Thursday, May 31

فضفضه

أرسل إلي من قبل تاجاً فنسيته ثم أرسل إلي آخر

فقررت أن أجيب عليه و أنشره

جزا الله خيراً من مرر لي التاج

تعالوا نفضفض و نكشف المستور

أحب شخص لقلبك في الدنيا؟

أحب شخص إلي قلبي كنت أتمني إني أقول نبي الهدي صلي الله عليه و سلم و تكون طالعه بصدق

لكن عموماً أحب شخص إلي قلبي فيمن هم أحياء بيننا هم مشايخ الدعوه السلفيه بالأسكندريه جميعهم أحبهم في الله و أضيف إليهم الشيخ الجليل محمد حسين يعقوب

انسان مستعد تضحي بحياتك ركز فى كلمة حياتك –علشانه؟

لو حالي كويس و قلبي كان سليم كش هيكون في إلا واحد

هقول محمد صلي الله عليه و سلم

انسان كرهته لدرجة الجنون و تمنيت لو تمسك سكينة وتنقض عليه

وتغرزها فى قلبه تقتله وتقف تبص لجثته وتشفي غليل قلبك؟

فعلاً كرهت شبيهه النساء المسماه بنوال السعدواي و أختها في الجهل إقبال بركه

ما هو اسم اجمل كتاب كتبه بشر قراته ومحتفظ به حتي الان؟

أحب جدا كاب روضه المحبين و نزهه المشتاقين و عموما لم تري عيني مثل أسلوب الإمام بن القيم في هذا الكتاب

اسم كتاب كتبه بشر برضة- انت متعلق بيه وبتقرأه كل فترة؟

رياض الجنه في الرد علي المدارس العقليه و منكري السنه كتاب ماتع جداً للشيخ الرائع سيد حسين العفاني

اهم جهاز منزلى انت متعلق بيه او بتستخدمه كتير؟

الكمبيوتر

مكان تحس بالراحة عندما تدخله؟

لم أشعر براحه بمثل ما شعرت بها في مدينه رسول الله صلي الله عليه و سلم و أنا آمل أن يمن علي الله بزيارتها قريباً

و بما أن السؤال بصيغه المضارع التي تدل علي التكرار و الإستمراريه أقول المسجد ثم بيتي

شىء تحس بالراحة النفسية عندما تنظر اليه؟

لا شئ يوازي بيت الله الحرام في هذا المجال

و علي المستوي المتكرر...منظر البحر و أنا في الإسكندريه أو في الساحل...و مناظر الخضره المنبسطه التي لا يقطعها زحام أو ضوضاء

مكان تحس فيه بالحنين الى شىء لا تدرى ماهو و ذكريات جارفة الى لاشىء؟

عموماً الذكريات التي أشعر لها أحيانا بحنين في حياتي الشخصيه أتمني لو أنها لم تكن أصلاً...!!! و لا داعي للإستفسار

اجمل مدينة زرتها داخل مصر ؟

داخل مصر....إمممم ... الإسماعيليه و بورسعيد

أجمل مكان طبيعي رأيته داخل مصر ؟

طبيعي....في مصر....خلصوا خلاص

شخصية كارتونية بتحبها؟

بطوط أو جيري

نوع هاتفك المحمول؟

Samsung D-500 بتاع أختي و واخده منها

سرعة بروسيسور جهازك؟

3.2

احجم ذاكرة –هارد- جهازك؟

80

المساحة التى تشغلها المواد الاسلامية على جهازك؟

لا أعرف فجهازي لا يستخدم إلا للنت أو الشغل

اهم هدف انت واضعه لحياتك الآن؟

أتجوز

مواصفات فتى الأحلام بالنسبة لك؟

أنثي....تعرف معني الكلمه و تطبقه...تقيه ...طيعه...يمكنها أن تحتمل إنسان لا يتحمل نفسه....!!!

شعورك لما بتسمع كلمة مصر ؟

أوقات: قرف شديد و حنق و خانقه

و كتير: قلبي بيرقص بين ضلوعي

شعورك لما بتسمع كلام عن اليهود؟

الكلمات ديه

سنخوض معاركنا معهم و سنمضي جموعا نردعهم

و نعيد الحق المغتصب و بكل القوه ندفعهم

شعورك لما بتشوف ظابط شرطة؟

فصبر جميل و الله المستعان علي ما تصفون

إن غداً لناظره قريب

شعورك لما بتشوف الكناس العجوز فى الطريق؟

أقول اللهم إني أعوذ بك من الذل عند الكبر و يكاد قلبي و الله يتفطر بين ضلوعي حزناً و شفقه

افكارك تجاه شاب ماشى فى الطريق يلبس جلابية بيضاء

قصيرة وعمامة وله لحية وبجيبه السواك وبيده المصحف؟

أصلا أنا منهم...حتي و إن كان ظاهرياً

إبتسامه عريضه علي وجهينا ثم إلقاء السلام و كلانا يحدث نفسه و يقول

هانت

احساس يراودك فى اشارة مرور مغلقة بسبب مسئول كبير؟

نفسي أبقي مسئول كبير

مش عشان أوقف الإشاره

بس عشان أربي المسئول الكبير و أعلمه الأدب

20 comments:

عصفور المدينة said...

قل لهم يا عم مسلم يردوا علي السلام الله يخليك
أحسنت الإجابة وجزاك الله خيرا

الطائر الحزين said...

السلام عليكم
اخى الكريم جظاك الله خيرا على مرورك بالمدونة
انا هديك 9.9999 على عشرة يا اخى اول مرة تيجى لى مش ترفع معنوياتى
جظاك الله خيرا لا تنسانا فى الدعاء

الطائر الحزين said...

طبعا جزاك الله خيرا معلهش نعمة النظر

مسلم said...

عصفور المدينه

أحسنت الإجابه...و لكن لا يدل ذلك علي حسن حال القلب

فربما جاءت الإجابات نظريا مقبوله لكن يبقي التطبيق هو المعيار

مسلم said...

الطائر الحزين أنا كنت بهزر معاك

أنت أكيد أحسن مني

لو تعرفني أكيد هتقول كده

ammola said...

عموما الذكريات التى اشعر لها بالحنين فى حياتى الشخصيه اتمنى انها لم تكن اصلا ولا داعى للاستفسار
ممكن اسأل سؤال؟؟؟

مسلم said...

ammola

ممكن

ma_3alina said...

السلام عليكم ورحمة الله وبركاته

كيف حالك أخي مسلم .. أخيرا لقيت موضوع اعرف اعلق عليه .. معلش مقصر كتير معاك .. بس لو رجعت لمدونة الدكتور المحارب حتعرف السبب ..

عموماً .. مش عايزك تزعل مني .. إجاباتك جميلة وربنا يوفقك يارب ونفرح بجوازك .. وتزور النبي صلى الله عليه وسلم إنت وزوجتك عن قريييييييييب .. وما تنساناش بالدعاء هناك .. اللهم آمين

مسلم said...

ma_3alina

أخيرا لقيت موضوع تعرف تعلق عليه...ليه كده بس هو مفيش مواضيع تعرف تعلق عليها خالص...!!؟؟

عموما يا أخي إنت من الناس اللي تعليقهم يهمني حتي لو هتقول السلام عليكم و تمشي

إن شاء الله إن أراد ربي و زرت البيت الحرام سيكون لك و للمدونين من الدعاء نصيب وافر

و متحرمناش منك ياسيدي

يا قلبي يا غريب said...

السلام عليكم ورحمه الله اسال الله العظيم رب العرش العظيم ان تكون بخير
احبك في الله يا اخي
اسالكم الدعاء

رفقه عمر said...

اخيرا جاوبت على التاج ان كنت يأست اصلا جزاك الله خيرا انك جبرت بخاطرى بس على فكرة لسه عليك تاج هاخده منك يوم القيامه خلصه فى الدنيا احسن
انت اخ ليا فى الله ومن المدونين اللى بحترمهم جدا انت وماعلينا وبينو عصفور المدينه واستاذ حامد وناس كتير قوى ربنا يكرمك يارب ويحقق لك كل متت مناه بس الحق خلص التاجات اللى عليك لان فيه تاجات جايه ليك فى السكه

رفقه عمر said...

تصحيح
ان يحقق لك كل ما تتمناه فى الدنيا والاخرة

مسلم said...

يا قلبي يا غريب

واحشني

مفتقدك

يارب تكون بخير يا أخي

مسلم said...

رفقه عمر

جزاك الله خيراً

إن شاء الله أجاوب علي كل التاجات

أشكر لك إحترامك الذي لا أستحقه

و جزاكي الله خيراً

bastokka طهقانة said...

ربنا يكرمك

مسلم said...

جزاكي الله خيراً يا طهقانه

رفقه عمر said...

السلام عليكم
شوفت لسه عليك تاج وفيه تاجين كمان جداد ياريت بقى لا تؤجل عمل اليوم الى الغد التاجين الجداد فيهم اسئله بجد نفسى اعرف اجاباتك عليها وخصوصا سؤال انت مسلم ليه

Sharm said...

تعرف

انا الشيخ حسين يعقوب ربنا يحفظه بكنتش بطيقه بمعنى مكونتش بطيقه

و دلوقتى هو من احب الشيوخ الى قلبي


--------

مدونتى فيها موضوع ريحته وحشة
اللى بيقرف ميدخلش عندي

:)))))))

مسلم said...

رفقه عمر

إن شاء الله هجاوب كل في ميعاده

مسلم said...

sharm

جزاك الله خيراً

الحقيقه الشيخ محمد حسين يعقوب من أحب الناس إلي قلبي

فهو دكتور و أخصائي أمراض القلوب و إصلاح النفوس

الشيخ حفظه الله لا يدانيه أحد في هذا المجال

اللهم إجمعنا و إياه بالنبي صلي الله عليه و سلم