Thursday, May 24

مليونين و نصف حاله طلاق

السلام عليكم و رحمه الله و بركاته

2.5 مليون مطلقه في مصر المحروسة...هذه إحصائيه وزاره الإسكان 34% منهم في السنه الأولي للزواج...!؟؟

الإحصائيه حقيقه بهرتني...من حيث أنها وضعت يدي علي رقم واضح الدلاله و لكني لم أندهش حيث أني توقعت هذه النسبه و لم تكن غريبه بالنسبه لي...فعلي الأقل في من حولي هناك العديد من الحالات المبكره جدا في الطلاق

لكن هذه الظاهره و التي أصبحت تبث الرعب في نفسي أنا شخصياً...فشببح الطلاق أصبح يخيم علي معظم الزيجات و خاصه في أوساط الشباب.

قد يرد أحد الناس و يقول أن الخطر بعيد عنه أو عنها بما أنه أو أنها لن تتزوج إلا من شخص أحبته و أحبها و ذاقا معاً نار الحب و إلتهبت أوتار قلوبهما بحلاوته.

أقول إذا كنت أو كنتي ممن يفكرون بهذا الأسلوب ... فهذا هو الوهم بعينه

أعرف قصه...بدأت قصه حب عميقه مشتعله لمده أعوام ثم توجت بالخطوبه لمده عام و نصف تقريبا أي أنهما قضيا معا قبل الزواج أكثر من ثلاثه أعوام ثم طلقها بعد شهرين من الزواج....لماذا!!؟

سألته ليه يابني .. رد عليا و قالي (مشاكل صغيره بس أنا خلاص مش قادر أستحمل)...مش قادر تستحمل...يا بني إنت بقالك شهرين إنت لحقت

ديه عينه منهم يا جماعه...ال 2.5 مليون حاله طلاق الغالب الأعم منهم كانوا مرتبطين قبل الزواج...لأن بمنتهي البساطه هذا هو الغالب الأعم بين الشباب و البنات اليومين دول

ممكن حضرتك أو حضرتك تكلف نفسك و تنزل أي جامعه من جامعاتنا و تشوف بنفسك.

و أنا أزعم إن هو ده السبب الأساسي لحدوث هذا الطلاق المبكر...العلاقات قبل الزواج تؤثر قطعاً بالسلب علي الشباب و البنات فهي تتعود أن تري ذاك الشاب أبو جل في شعره و الذي كل إهتماماته متابعه أغاني عمرو دياب و أفلام تامر و في أكثر حالاته جديه يخرج في مظاهره للدفاع عن تامر ضد ظلم الجيش اللي مرحموش علي حد تعبيرهم

و هو أيضا لطالما نظر إليها في حلتها البهيه رآها مراراً و تكرار في أبهي زينه لها مهتمة بعطرها و تسريحه شعرها فكل مسئولياتهم تجاه بعضهم هو تجهيز أجمل كلمات الحب و الغرام و الحث عن هديه عيد ميلادها و تجهيز هديه عيد الحب حمراء اللون.

ثم

تحدث المشكلة الكبرى...تتزوجه لتري الوجه الآخر...شخص مضغوط في العمل ورائه مسئوليه بيت و هي تعودت علي حياه اللعب و الفسح أو العكس تجده إنسان غير قادر علي إستيعاب المسئوليه التي عليه حملها و لا يدرك كيف يتعامل مع زوجته في أيامها المختلفه و كيف يتعامل مع مشاعرها و أنوثتها قبل التعامل المادي معها كشخص يحيا معه في نفس المنزل

تبدأ الإهتمامات المختلفه تظهر فنبره الإتفاق في كل شئ التي كانا يرددانها قبل الزواج قد زالت أسبابها و إنقشعت غيومها لتظهر شمس الإختلافات عاليه حاميه ليس منها مهرب فالشمس باقيه أما غيوم الزيف التي كانا يصطنعانها ليرضي كل منهم الآخر فلن تدوم طويلاً بل ستذهب عما قليل

و لا يدرك كلا الطرفين أن حكمه الشخص تكمن في كيفيه تعامله مع إختلافاته مع الآخر و ليس في نقاط الإتفاق.

ينتج الطلاق أيضا بسبب سوء الإختيار من البدايه...بل إن شئت لأنه ليس هناك أصلاً أساس لهذا الإختيار...فعاده يتوهم هو و تتوهم هي أنهم في غايه الدقه في الإختيار في حين أن أساس هذا الإختيار أصلا أساس منهار لن يتحمل ضغوطات الحياه طويلاً

و من هنا يتوجب علينا طرح فكره و تصور عن أساسيات إختيار الزوج أو الزوجه من البدايه

سيكون هذا في تتابع مستمر لسلسه نبدأها بهذا الموضوع و السلسله بعنوان

الزواج الإسلامي

أأ

6 comments:

عصفور المدينة said...

أخي جزاك الله خيرا
إنها البركة حين تنزع من علاقة الزواج التي الأصل فيها أنها هي اصل البركة
حين تبدأ بالمعاصي فكيف تسترعي حماية الله لها

رفقه عمر said...

بجد موضوع مهم جدا لان ظاهره الطلاق منتشرة بشكل مرعب مع ان الزواج بقى صعب جدا لكن الطلاق بقى سهل جدا والاسباب كتيرة قوى لان الاختيار من الاول مش صحيح والهدف من الزواج مش بغرض الاستمرار وبدايه مرحله جديدة من الحياه الهدف عندهم مختلف تماما نتيجه لانتشار الفتن من حولنا ربنا يعفو عنا ويرحمنا اللهم امين يارب لعالمين
انا باعته ليك تاج على فكرة عليك تاجين لغايه دلوقتى
ياريت بقى تجاوب عليهم جمله واحدة من فضلك

ammola said...

والله انا ليا راى صغنن
البنات دلوقتى اتربوا عالغالى وبقى لهم تطلعات واهاليهم فهموهم ان البنت زى الولد مع ان الاولى كانوا يعرفوها ازاى تتقبل ان فى فروق بينهم بتخلى كل واحد له حقوق وعليه مسئوليات ممكن تكون مختلفة عن التانى
يعنى موال حقوق المراة والافلام دى والله هى اللى بوظت عقول البنات فين ايام ما كانت البنت مؤدبة وعارفة اللى ليها واللى عليها من غير مناطحة وكانت فاهمة ان قوتها فى ضعفها مش فى صوتها العالى.والله انا باشوف بنات الولاد جنبهم غلابةوعندهم انوثة اكتر ده ما ينفيش ان الراجل عليه برضه مسئوليةبس الراجل لو لاقى الامور ماشية حلو والست اللى معاه عارفةموقعها كويس وبتتصرف من منطلق انها انثى الطبيعى تكون تحت جناح الراجل,لو ده موجود يبقى الراجل حيطلقها ليه الا فى بعض الحالات الخاصة.صحيح
cherchez la femme

مسلم said...

عصفور المدينه

طبعاً كلامك صحيح عندما تبدأ مرحله من حياتك بمعاصي و ذنوب فحتما تمحق منها البركه فكيف إن كانت هذه الرحله هي الأهم في عمرك و هي مرحله بناء أسره جديده حتما تهدم الأسره و بنهار البيت

مسلم said...

رفقه عمر

هجاوب علي التاجين إن شاء الله

الموضوع زي ما بتقولي فعلاً محتاج تأسيس الأول للأساس اللي بيتم علي أساسه الإختيار من الأول و ده اللي إن شاء الله هحاول أوضحه في البوستات الجايه

مسلم said...

ammola

كلامك صحيح و خلاصته إن الإتنين بيتحملو الغلط و أكيد مش طرف واحد بس هو اللي بيتحمل كل الخطأ

لكن بصراحه الغرب ركز قوي علي المرأه و تغيير سلوكياتها و من هنا الدنيا باظت

و عشان كده جايز جدا إن تكون البنات بمفاهيمهم المغلوطه بيتحملوا كثير من الخطأ لكن يبقي الأمر الواقع أن كلا الطرفين مخطئ