Sunday, April 22

إعتبرها إنفلونزا

السلام عليكم و رحمه الله و بركاته
شخص عزيز عليك جداً...بتحبه من كل قلبك
لو جالوه إنفلونزا...بتعمل ايه
توصفلوا دواء...تجري تجيبهولوه...تسهر جنبه طول الليل تشوف طلباته و تتابع حالته
طيب أحب الناس ليك..أمك ,أبوك,أخوك,صديقك
عنده مرض خطير
سرطان مثلاً و العياذ بالله
هتعمل ايه
ايه شعورك ساعتها
أظن تبيع اللي قدامك و اللي وراك عشان تساعده
عشان تشوف البسمه من تاني فوق خده
طيب ده اللي هتعمله في أمور الدنيا
في شئ مثل المرض آعلي ضرره إنه ممكن ينهي حياه شخص بتحبه
طيب...و لما يكون فيه أمراض تقضي علي حياتك و آخرتك
ليه عنها بنفضل ساكتين
و عاملين مش فاهمين...و مش واخدين بالنا و متنحين
ليه بنقف بإيدين متكتفين
و انت بتشوف أخوك أو صاحبك بيعصي الله...و متكلموش كلمه يلين بيها قلبه
هي الإنفلونزا أخطر و لا معصيه ربه
أكيد طبعا المعصيه أخطر
الإنفلونزا يوم و لا يومين و هتروح...لكن الذنب انكتب..و عليه اتحسب و بكره يا جنه يا نار رايحين
يبقي ليه متكتفين
يقبي ليه مش منتبهين
يا أخي إعتبرها أنفلونزا
و قوله علي الدواء
و ليه انت ساكت علي نفسك..ليه عارف داءك و عامل مش هامك
ليه شايف نفسك في مرايتك كبير...مع إنك في الحقيقه أمرك هين و حقير
يا أخي إعتبرها إنفلونزا
و إجري علي طبيبك و طير
ده الأمر خطير
العمر بيجري
إلحق نفسك

5 comments:

مـحـمـد مـفـيـد said...

كم هي السطور محقه وكلماتك رائعه
دعوه الي بنذ المعاصي

مسلم said...

Mohamad Mofeed

Jazakom allah khayran

the words actually r not mine, it is words of someone else

someone whome i love for the seek of ALLAH

and the r really true, we should really consider our sins as sick both neads treatment

however sins r most important coz they will destroy our life in the HEREAFTER

BinO said...

السلام عليكم
أخي في الله
جزاكم الله خيراً

Mohamed A. Ghaffar said...

دعوه حرى بنا اجابتها

khaled said...

السلام عليكم
اخى الكريم
جزاك الله خيرا ووفقك