Monday, April 2

ومضات....حاسب عينك توجعك

السلام عليكم و رحمه الله و بركاته
أحبتي...لا أعلم قد يأتي هذا البوست طويلاً بعض الشئ...قد يصيبك الملل..لكن إسمع أخي و إسمعي أخيتي فالأمر جد خطير
إنها....!!
ومضات...فلاشات...أنارت في عيني...فوجدتني أفقد بصري للحظات...ومضات خاطفه من قوتها أذهلتني...هزتني...فقررت أن أسجلها لتظل بذاتها
ومضات

الومضه الأولي
إباحيه

يرويها أخ و يقسم بالله أنها حدثت...أخ يقول لي...و الله يا أخي لقد ذهلت...و إحتقرت نفسي أيما إحتقار...بعد هذا الموقف
كنت يا أخي أتصفح علي الإنترنت...بعض المواقع الإباحيه
فوجدت كلمات مكتوبه بمقاس كبير...ترجمتها
إدخل هنا لتري كثيراً من الفتيات تماماً مثل
و بالخط الكبير و الكبير جداً
كتبوا إسم الفتاه العاريه التي كانت صورتها بالأسفل
كتبوا
ASSYDAH ZAYNAB
نعم هكذا...وجدتني أحدق لأقرأ الإسم يقول الأخ...و أنا مذهول و لكن كان جنون شهوتي و جموح نفسي قد أخذني...أغلقت الصفحه سريعاً..لكني لازلت أشاهد صور فتيتا عاريات لدقائق ثم قمت
إعتصرني يا أخي إحساس بالخجل من نفسي...و سألت نفسي...هل هذا هو هدفهم الحقيقي
إنتقاص قدر رسول الله صلي الله عليه و سلم...و هل كنت أنا من أسمي محمداً آداتهم في ذلك
لقد خنت رسول الله
نعم خنته
آمل أن يغفر لي الله
قلت له هدئ من روعك و أنا يجتاحني الغضب...لكني صبرت عليه و قلت هذا من أدرك خطأه فكيف بمن لم يدرك بعد
أفيقوا من غفلتكم يا شباب الأمه
هل تريد الآن الدخول علي موقع إباحي
إعلم أنك تسب عرض رسول الله صلي الله عليه و سلم و أنت تدخله


******
الومضه الثانيه
البلادهبالأمس القريب ثورنا و قامت الدنيا و لم تقعد...عندما قامت الدوله الصليبيه المسماه بالدانيمارك بنشر الصور التي حاولوا فيها النيل من رسول الله صلي الله عليه و سلم
و نادي المنادون بالمقاطعه ... و قاطعنا...لم تكن مقاطعتنا هنا في مصر هي الفعاله...ولكن كانت مقاطعه الخليج أكثر فعاليه...و لكني فجعت...بمدي إستهتار هؤلاء الناس بنا

كدت أصدق نفسي أننا أخيراً نجحنا في أمر ما و إجتمعنا علي شئ واحد
لكن الأمر كان أسرع مما تخيلت...و أفرب مما ظننت
ما هي إلا أيام...و ها هم المسلمين...منتجات الدنماركيين تملأ بيوتهم و ثلاجاتهم
بل

و بلا أي مبالاه
في بلاده تامه...و عدم و عدم إحساس
المنجات الدنماركيه أصبحت تملأ أسواقنا مره أخري
مبقيناش بنحس
بقه عندنا عدم إحساس مستمر المفعول
يا ريت نفوق بقه و نبطل البلاده اللي إحنا فيها
لازم نفوق بقه ... ده أصبح شئ مقزز الحال الذي أصبحنا عليه ده

الومضه الثالثه
البلاهه
نعم البلاهه..متمثله في الإجتماعات العربيه الأخيره بشأن الوضع في فلسطين...مش هي و بس...معاها كمان بعض الدعوات الخارجه علينا اليومين دول
عارفين لما يبقي في واحد فتوه ماسك واحد غلبان و نازل فيه ضرب
و يجوا كبرات الحته...اللي همه طبعاً خايفين من الفتوه و عايشين علي حسه
يقولوا للراجل اللي انضرب...لازم تقبل شروط الصلح...إنت ليه كده...لازم تتعايش مع الأمر الواقع و ترضي بيه
ييجي واحد ربنا كارمه في عقلوا...يقول يا جدعنا...الراجل مهري ضرب
إنتوا بتتكلموا إزاي يا عاقلين
أهوه كده بالظبط...يا جماعه إحنا حالنا و الله وحش قوي...إستضعاف و ذل و مهانه..و تلاقي من أطلقوا علي نفسهم ألقاب كالعقلاء...و المفكرين...و المثقفين...يقولك أصل إحنا مش مواكبين التطور الحضاري و مش متعايشين معاه

أنا بقه عايز أرد
قال ربكم...الحكيم العليم في كتابه القويم

وَلَنْ تَرْضَى عَنْكَ الْيَهُودُ وَلا النَّصَارَى حَتَّى تَتَّبِعَ مِلَّتَهُمْ قُلْ إِنَّ هُدَى اللَّهِ هُوَ الْهُدَى وَلَئِنِ اتَّبَعْتَ أَهْوَاءَهُمْ بَعْدَ الَّذِي جَاءَكَ مِنَ الْعِلْمِ مَا لَكَ مِنَ اللَّهِ مِنْ وَلِيٍّ وَلا نَصِيرٍ
تأمل يا عبد الله
لن ترضي
********
الومضه الرابعه
السذاجه

نعم سذاجه من يجرون بكل كيانهم وراء كلمات من نوعيه (نريد دوله مدنيه) و يدعون أنه لا مكان في العالم اليوم للتحزبات الدينيه..و أن سبيل النجاه و التقدم في نظرهم هو تنحيه الدين جانبا
تماماً مثل ما فعل الأوروبيون إبَّان الثوره الصناعيه و كان شعارهم
إشنقوا آخر قس بأمعاء آخر ملك
هؤلاء السذج الذين يرددون هذا الكلام من أنصار الحريات و الليبراليات
أسألهم سؤالاً واحد...هل عندكم نظر...!! بصر يعني بالبلدي كده بتشوفوا...!؟
طيب بصوا و قولولي





دول يقه يا حلوين أعلام مين...مش دول أوروبيه دول
إنجلترا أهيه يمين و السويد شمال و اللي إسمها الدنمارك تحت رجلي أهيه

مش كده
طيب و دول مرسوم عليهم إيه دول...صلبان دول...و لا بقع الكاتشب و المسطرده
يعني راسمين علي علم الدوله صليب
ده معناه إيه ده....دين و اللا جغرافيا
بس تقول لمين...إخوانا البعدا بتوع العالمانيه تقدر تعتبرهم ملاحيس للغرب
ناس كده باعوا مخهم و حطوا مكانه طلب كبده بالسلطه
و عجبي

في النهايه
الخلاصه يا جماعه
إحنا مش في حاله سلام مع العالم من حولنا الآن...إحنا في حاله حرب
لازم نكون فاهمين ده كويس
حاله حرب...وسيلتنا فيها الآن إننا نتسلح بالإيمان أولاً...و العلم والأخلاق و الفكر الإسلامي المعتدل القويم
نتسلح بقربنا من الله
لا أقول أننا إرهابيين مثلاً...حتي لا يخطئ أحداً الفهم
لكن أقر واقع
مش هيسيبونا في حالنا إلا في حالتين يا إما نتبع ملتهم يا إما يخدوا فوق دماغهم
بالبلدي أهوه
اللي عايز يختار يختار
بس المهم
ميضحكش علي نفسه و نفسنا و يقولنا سلام
اللي عايز يقول سلام
يقول سلام...بس بعد ما يرجع كل شبر في أرضنا
غير كده يبقي إستسلام

أحبكم في الله

ٍ

28 comments:

محمود سعيد said...

الأخ اللى كان بيتصفح الموقع المعفن ده هو اللى غلطان

الموقع بيكتب اسم المكان اللى انت بتتصفح منه

يعنى 90% اللى كان بيتصفح كان فى السيدة زينب

يعنى لو كان فى مدينة نصر هيلاقى

مدينة نصر

لو كان فى الاسكندرية هيلاقى الاسكندرية

وكده

وبالنسبة لدانيت
انا بحب الكلام الموثق
ده مش دانماركى ولا حاجة
بس هو على قوائم المقاطعة
من إنتاج شركة فرنسية صهيونية
تعترف بدعم الكيان الغاصب
وشوف موقع kate3.com

مسلم said...

يا أخ محمود قال القائل

لكل مقامٍ مقال

يعني يا أخي الإستهزاء و السخريه هكذا شئ يعني لا أعتقد أنه يبني في النفوس إحتراماً او يزيدها لبعض حبا و وقاراً

بالمناسبه الأخ من الإسكندريه يا أخ محمود هدانا الله و إياكم

أما بالنسبه لموضوع دانيت

فبما أنك تحب التوثيق فلو حاولت و إجتهدت لكان خيراً لك من مجرد محاوله التقليل من شأن الآخرين



عموماً دانيت من إنتاج شركه دانون
DANONE

يمكنك أن تبحث و ستجدها شركه دانمركيه
الأصل

عموماً يا أخي جزاك الله خيراً

اللهم إهدنا و إهد بنا و إجعلنا سبباً لمن إهتدي

future_preacher said...

السلام عليكم و رحمة الله و بركاته
اخي الفاضل
اولا احب ان اشكرك علي مجهودك الذي تبذله في سبيل الله وهذا ما علمنا سيدنا النبي محمد صلوات ربي و سلامه عليه أن من لا يشكر الناس لا يشكر الله
ثانيا : تعليقا علي موضوعك اريد ان اقول ان ومضاتك هذه مرت بل و اخترقت نظري كثيرا لانها اصبحت حقا ومضات واضحة لا تحتاج تدقيق النظر حتي تراها و تشعر باثرها
و كنت دائما ينتهي تفكيري لشيء و نتيجة معينة وهو نجاح نظرية المؤامرة في كافة جوانب حياة المسلمين علي الرغم من ان من نفذوا هذه النظرية كانوا يقصدون فقط ان ينزعوا الدين من صدورنا (و قد اوجزوا فأنجزوا ) اي انهم بذلك قد نزعوا من صدورنا الحياة نزعوا اي احساس و اي انسانية في كياننا , و من يتعمق في القراءات الدينية خاصة تلك الخاصة بالطوائف الاسلامية الضالة علي سبيل المثال يجد ان وراء ضلال اكثر هذه الطوائف هو تطبيق هذه النظرية لكي يصرفوا المسلمين عن دينهم و عن ملتهم السوية التي يكمل بعضها بعض كمثل القاديانية و الانصار و غيرها من الطوائف الضالة
ووالله اني لا اهول المسألة ولا اعظم من شأن هؤلاء الملاعين الذين ينخرون في جسد الاسلام و لكن مع الاسف هذه هي الحقيقة المبكية وومضة واضحة وضوح الفجر هي قوتهم و وهننا و لكن الله المستعان علي ما يصفون ....رغم كل ذلك اري الامل في بعض الاناس الذين لا ازكيهم علي الله و لكن احسبهم عنده من جنود الله علي الارض في هذا الزمن المقلوب فيه الموازين ووالله اخوتي هذا هو السبيل لكي نلقي الله بقلب سليم فسوف نحاسب علي وقتنا و شبابنا و صحتنا و علي انفاسنا كم من كل ذلك بذلناه في سبيل الله و كم من كل ذلك سيكون هباءا منثورا
اعتذر للاطالة .....شيء اخير اود ان اشيد به :) هو حسن اختيارك للنشيد الاسلامي الجميل سنخوض معاركنا معهم فانه يجعلني ابكي و احس اني بداخل غزوة امتطي الفرس و بايدي الفرس و اشعر بالنصر و بعزة الاسلام التي احترق اشتياااااااااق الي اليوم الذي سأشعر فيه بأنها قد عادت فان جل دعائي الذي اجتهد فيه دائما هو ان يمد الله في عمري حتي استنشق نسائم او بوادر العزة وقتها سأشعر اني لا اريد شيء من هذه الدنيا

شيء اخير الي الاخ محمود ....يعلم الله اني لا اسخر من احد وكفي به عليما و لكن يا اخي موقفك هذا و كلامك ذكرني بموقف الوزيرة النميرة الخطيرة النايبة الكبيرة في مجلس الشعب اللي اهالني موقفها من التعديلات الدستورية الاخيرة انها سابت كوووووول التخريف و التحريف و الخراب اللي في اللائحة الخاصة بالتعديلات و قهرها قوي ان الريس بتاعنا ضعيف في اللغة العربية و نسي يكتب نقطة و كتب بدالها فاصلة ...بصراحة تفرق كتير فعلا وعجبي
و السلام عليكم و رحمة الله و بركاته

مسلم said...

future

جزاك الله خيراً علي ثناءك الذي أعلم أني لا أستحقه

فأنا و الله أحد أسباب خذلان هذه الأمه

كلامك يكتب في بوست لوحده و لو كتب بدلاً من الومضات لكان خيراً و أهدي سبيلاً

الأخ محمود سعيد

بصراحه يا أخي أنا مضايق


تعليقك ضايقني قوي و الله
يا أخي علي الأقل أنت تقول أنك من شباب الإخوان المسلمون

هل تعليقك هذا هو التمثيل الأمثل لكلمه مسلمون

لن أقول تمثلا للإخوان المسلمون

و لكن للمسلمون

و لا أقصد أبداً أن أحط من قدر الإخوان المسلمون

و لكن طالما إخترت لنفسك إنتماءاً فعلي
الأقل كن علي قدر المسئوليه

أنت و الله مرحب بك في أي وقت في المدونه

لكنك حقاً أحزنتني بتعليقك

future_preacher said...

الااخ مسلم
جزانا الله و اياكم ووفقنا دائما فيما يحبه و يرضي و جعلنا زخرا للاسلام اللهم امين
الاخ محمود اكرر والله اني لا اسخر من احد ولكن يا اخي خذها نصيحة من اخت لك في الاسلام انظر للامور بنظرة اعمق من ذلك و لا تاخذ ببسائط الامور و تضعها تحت المجهر فتبدو ضخمة و هي في الاصل لا تساوي و لعل اسم البوست "ومضات" يلخص كل ذلك
فكلام الاخ مسلم به اشياء مهمة جدا يجب ان ندركها جيدا بل يجب ان نكون مدركوها بفطرتنا الاسلامية و نعيها جيدا حتي نعي كيف نتصدي لها و نواجهها
اتمني ان تتقبل كلامي بصدر رحب و السلام عليكم و رحمة الله و بركاته

يا قلبي يا غريب said...

السلام عليكم
اخي مسلم
ليس عندي رد الا ايات من كلام رب الارض و السموات
لاَ يَغُرَّنَّكَ تَقَلُّبُ الَّذِينَ كَفَرُواْ فِي الْبِلاَدِ مَتَاعٌ قَلِيلٌ ثُمَّ مَأْوَاهُمْ جَهَنَّمُ وَبِئْسَ الْمِهَادُ

وَعَدَ اللَّهُ الَّذِينَ آمَنُوا مِنكُمْ وَعَمِلُوا الصَّالِحَاتِ لَيَسْتَخْلِفَنَّهُم فِي الْأَرْضِ كَمَا اسْتَخْلَفَ الَّذِينَ مِن قَبْلِهِمْ وَلَيُمَكِّنَنَّ لَهُمْ دِينَهُمُ الَّذِي ارْتَضَى لَهُمْ وَلَيُبَدِّلَنَّهُم مِّن بَعْدِ خَوْفِهِمْ أَمْناً يَعْبُدُونَنِي لَا يُشْرِكُونَ بِي شَيْئاً وَمَن كَفَرَ بَعْدَ ذَلِكَ فَأُوْلَئِكَ هُمُ الْفَاسِقُونَ [النور : 55]

نسال الله الثبات و نسال الله ان يستخدمنا و لا يستبدلنا في نصره دينه
احبك في الله

مسلم said...

Future

مره أخري جزاك الله خيراً

أكثر الله من أمثالك

مسلم said...

يا قلب الغريب هذه الآيات من الآيات التي كلما أحسست الضيق ذكرتها فطيبت نفسي

و بالمناسبه أنا كنت كاتب عنها بوست إسمه تأملات

جزاك الله خيراً يا أخي

محمود سعيد said...

ربنا يسامحك يا عم

يعنى فهمتنى غلط وكمان بتسىء بيا الظن

انا باقولها لك ديه معلومة علمية ولو تحب اجيب لك أدلة عليها

يعنى انت عمرك شوفت موقع بيقول لك أهلاً بك من مصر


الموقع منين عرف انك من مصر
من الايبى
فمصر لها ترتيب معين

وجوه ترتيب مصر فى ترتيب للمحافظات

وكل ما سبق فيه نسبة خطأ فى تحديد المكان


يبقى زى ما انت بتدخل أى موقع بيقولك أهلاً بك من مصر
ممكن يقول لك أهلاً بك من السيدة زينب (على أساس أنك بتتصفح من السيدة زينب وكمان الموقع مغلطش)

ممكن تكون فى كفر الدوار ويقولك عابدين

او رمسيس


يبقى بس انا كان قصدى أوضح لك نقطة علمية ان الموقع المعفن وزيه زى أى موقع تانى (مش معفن)

مقصدهوش يقحم اسم السيدة زينب فى الموضوع


لكن طبعاً وبلا شك هو معفن وستين معفن
ودخوله حرام
ويأثم الزائر

لأ وكمان يأثم لأنه بيفرح أعداء الله أن جالهم زائر من مصر
ومن السيدة زينب



مش عارف بقى انت بتحسبنى إيه
ولا انا كان قصدى إيه غير كده

بس باصحح لك معلومة انت بنيت عليها بوست


ولم أعلق بالمرة على البوست



يعنى بشكل آخر خبراً ما يقول
رئيس جمهوية بريطانيا يسب الإسلام

انا معلقتش على الخبر

انا بس باقول ان بريطانيا مش جمهورية

مسلم said...

ماشي يا أخي

جزاك الله خير علي توضيحك

و بالمناسبه أنا سألت الأخ

فقاللي

إن صوره البنت كانت موجوده و فوقيها سهم مشاور عليه

و مكتوب عليه إسمها

و كان الكلام

click here to see many gils like ASSAYEDAH ZAYNAB

هو اللي قاللي الكلام بالظبط و خليته يبعتهولي في رساله عشان مغلطش فيه

خالد وليس بخالد said...

ما شاء الله يا استاذ اهل الجنة
نبضات حية

معنديش تعليق الا جزاك الله خيرا
والله المستعان

BinO said...

حيمو
اعتقد ان ده من اجمل ما كتبت
خاصة موضوع الاعلام
اللي ماخحدش علق عليها
نا عايز اقولك ان فيه اكثر من حزب في اوربا اسمها الحزب الديموقراطي المسيحي
مثلاً في ألمانيا
يعني قصة المواطنة و الكلام الفاضي ده أختراع من ناس انتابتهم حالة الضعف
وفشلوا في حمل الامانة
فأختاروا اسهل الطرق
ورفعوا الرايات وقالوا مواطنة مواطنة
ديموقراطية ملوخية
وبالنسبة لدانون
انت فاكر ان احنا كنا بنكله هادي ولا واخدين بالنا
وانا كنت بحبه لحد ما حد قالي نفس الكلام
تعرف حاجة كمان ده مش توكيل دانماركي دخل مصر زي نستله او اي شركة تانية
لأ كان فيه شركة اسمها أوليه بتاعت منتجات البان برضه فشلت فشل زريع فصاحبها فهلوي
جاب توكيل الشركة الدانماركية وعارف ان أحنا حننسي زي العادة و نزل السوق بهدوء شديد
واحنا كلنا الحلاوة

ربنا يجزيك خيراً
واسألك الدعاء

رفقه عمر said...

اكيد طبعا احنا فى حاله حرب معهم اصلا من ايام الحمله الصلبيه وهما للاسف لما نكون اقوى منهم يطلبوا السلم ولما نكون ضعاف يبدأوا فى التكالب علينا بوست جميل كالعادة قواك الله على الحق اللهم امين
ليك تاج عندى ممكن تيجى المدونه عندى وياريت تجاوب عليه اوعى تكسفنى

مسلم said...

رفقه عمر

يجزيك الله خيراً

حاضر هعمل التاج

عموماً هو تاج صغير و محندق عل أدي

مسلم said...

الأخ محمود سعيد

يا ريت يا حبيبي

تقولي لو توصلت لحاجه في موضوع دانيت

هل هو دانمركي أو لأ

أنا المعلومه اللي وصلتلها إنه دانمركي

و ده عن طريق البحث عن الشركه المصنعه

لو وصلت لمعلومه تانيه قولي عشان أصوب البوست

ومحمداااه said...

السلام عليكم ورحمة الله وبركاته
جزاك الله خيرا

أحب في هذا المقام أن اذكر نفسي واخواني بقصه سيدنا عبد الله ابن حذافه السهمي رضي الله عنه الذي اسره الروم وحاولوا بشتي الطرق ان يفتنوه في دينه مره بالمال وأخري بالتعذيب ومره بالجوع والعطش وأخيرا بالنساء فأتوا بملكه جمال الروم اكرر ملكه جمال الروم وادخلوها عليه وهي عاريه تماما وحاولت اغرائه بكل الطرق ولكنه أوي الي ركن شديد اوي الي رب العالمين فاستعصم به فعصمه الله
فصرخت الي الحراس خارج الزنزانة اخرجوني اخرجوني

فلما سألوها ماذا حدث قالت والله ماادري أننثي انا أم ذكر؟
ووالله ما ادري أدخلتموني علي ذكر ام حجر؟

هكذا كانوا وهكذا صرنا

هذا رجل واحد من صحابه سيد ولد ادم بأبي هو وأمي صلي الله عليه وسلم

هم أمته صلي الله عليه وسلم ونحن ايضا أمته صلي الله عليه وسلم

اللهم ردنا الي دينك ردا جميلا

جزاكم الله خيرا
والسلام عليكم ورحمه الله وبركاته

ملحوظة: هذه القصة مأخوذة من شريط صفحات مطوية للشيخ علي القرني

مسلم said...

وا محمداه

جزاكم الله خيرا علي تعليقك يا أخي

مسلم said...

الأخ محمود سعيد

إعتذار يا أخي

أنا آسف لقد أعدت البحث عن أصل الشركه و وجدت أن أصولها فرنسيه بالفعل

و لكن إعذرني فقد وجدتها علي إحدي قوائم المقاطعه علي النت

khaled said...

و الحدق يفهم
ربنا يباركلك

مسلم said...

خالد

هو أنا بضحك دلوقتي بعد ما قريت تعلقك

بس بجد بجد

عندي فضول أعرف منك إنت

قصدك إيه

خالد وليس بخالد said...

إيـــــــه
الله المستعان

اجمل ما شدني في موضوعكهو علم الدانمرك والسويد
والتعليق عليهم

لكل هويته

والله المستعان

khaled said...

مسلم
انا قصدى خير ان شاء الله
اقصد الحدق بالناس انهم يفهموا كلامك عن اعلام الدول و شعاراتهم و ازاى بيبعولنا ديموقراطية فاسدة و ما بيطبقوهاش زى موضوع فصل الدين عن الدولة

عصفور المدينة said...

أعلام الدول الأوربية


أخي الحبيب جزاك الله خيرا

مسلم said...

خالد

جزاك الله خيراً علي التوضيح

مسلم said...

خالد و ليس بخالد

جزاك الله خيرا يا أخي

و الله أنا الحكايه جت في دماغي كده علي غفله

مسلم said...

عصفور المدينه

مرحبا بك في المدونه و جزاك الله خيرا علي تعليقك

خالد وليس بخالد said...

اخي الاستاذ الفاضل مسلم
حضرتك قلت
(خالد و ليس بخالد

جزاك الله خيرا يا أخي

و الله أنا الحكايه جت في دماغي كده علي غفله

)
لا يا اخي
الامر ليس بغفلة
فـ (كل شئ عنده بمقدار)
وجزاك الله خيرا على تقبل نصيحتي

مسلم said...

جزاك الله خيراً