Tuesday, March 20

الحلاقه ملهاش كبير

السلام عليكم و رحمه الله و بركاته

أنا شغال في شركه المفروض إنها شركه كبيره

شركه بترول...و مش أي شركه

لائحه الشركه
الماده الأولي: الحلاقه ملهاش كبير
first rule: Shaving Has No Limits

و بصراحه بحس إني شغال مع شيوخ منصر...ناس تاكل مال النبي

و هو ده اللي بيتقال عليه الفساد الإداري في مصر المحروسه

الناس بيبصولنا في لقمه العيش..مع إن أقل واحد فيهم بيلهف مرتب يكفي خمسين واحد من محدودي الدخل

و بعدين بقه النظام...النظام عندنا...حاجه كده إيه ..أقول إيه يا خواتي...تهبل

تجنن

حاجه تنقط

تموت

هفرقع

مش قادر...بجد أنا دماغي مولعه

يا جدعان اللي يقولكوا مصر بتتقدم..و يقولكوا الكوادر المصريه .. و سواعد المصريين و الكلام ده

قولولوه يتنيل في جنب

قولولوه ينقطنا بسكاته

مش عايز أقول كلام قبيح و الله

بس الكلام أهوه بيتنطط علي لساني

طقشونا في بعض أنا و بينو
مره عشان اللحيه...و مره عشان المصالح و اللخبطه

و مره عشان كل واحد عايز يمشي اللي في دماغه

الحاجه اللي هونت عليه

إني شفت يعني إيه..أخوه في الله

كان في سفريه و المفروض إن أنا كنت مسافر فيها...مش عشان أحقيه معينه ..لكن عشان البرويوكول كده

و بعدين حصل تضارب معين...و قرروا يسفروا بينو .. عشان مصالح و خلافات بين مديري و مديره

و بعدين مديري ... عمل زوبعه

قاموا قرروا يسفروا كل واحد فينا نص المده

تقولهم..يا جماعه مينفعش

يا جدعان حد يديني عقله

حروح أنا أعمل إيه

طيب و الراجل اللي هيرجع ده هيرجع ليه

لكن في الأول و الآخر أنا كنت و الله مبسوط ليه كأني أنا اللي سافرت بالظبط

مش عشان أنا واد جدع و لا حاجه

بس عشان حديث نبي العالمين صلي الله عليه و سلم

لا يؤمن أحدكم حتي يحب لأخيه ما يحب لنفسه

و الصراحه كانت صعبه شويه إن فرحتي ليه تكون زي فرحتي لنفسي بالظبط

بس أنا حاولت و حاولت أكون مخلص لله

أدعو الله أن يتقبل مني

و أدعو الله أن يبارك لأخي بينو في ماله و عمله و صحته

و أخيراً

معلش يا بينو..متزعش نفسك...محدش يستاهل إنك تعكر دمك عشانه

و إفتكر

إن

الحلاقه ملهاش كبير

5 comments:

يا قلبي يا غريب said...

السلام عليكم ورحمه الله و بركاته
اخي و حبيبي مسلم
اسال الله العظيم رب العرش الكريم ان تكون علي خير و علي طاعه
و الله يا اخي احبكم في الله انت و اخونا بينو
يقول الله سبحانه و تعالي
الْأَخِلَّاء يَوْمَئِذٍ بَعْضُهُمْ لِبَعْضٍ عَدُوٌّ إِلَّا الْمُتَّقِينَ [الزخرف : 67]
نسال الله يا اخي ان نكون جميعا من المتقين
و فصبر جميل و الله المستعان علي ما تصفون
اسال الله ان ييسر لك كل عسير

BinO said...

طبعاً انا اتوهمت وهم من النوع البلجيكي الأصيل أول ما شفت البوست ده
وفتحت بقي ومعرفتش أقفله لمدة لا تقل عن 90 ثانية

جزاك الله خيراً
ولتعلم ان أي شئ لك أحب الي من نفسي
بس ماكنش ليها لازمة الفضايح
ميمو مصيحة في المدونة عندي جامد جداً

BinO said...

طبعاً انا اتوهمت وهم من النوع البلجيكي الأصيل أول ما شفت البوست ده
وفتحت بقي ومعرفتش أقفله لمدة لا تقل عن 90 ثانية

جزاك الله خيراً
ولتعلم ان أي شئ لك أحب الي من نفسي
بس ماكنش ليها لازمة الفضايح
ميمو مصيحة في المدونة عندي جامد جداً

معلومات عن سيادتي -رئيس الجمهورية- said...

انا برضه اعرف مهندس بترول في شركة بوتاجاز لصناعة الغاز(طبعا اسم الشركة من دماغي لاني مش فاكر اسمها)

كان ملتحي واجبروه انه اما يحلق اللحية او يسيب الشغل

فحلقها -ونسأل الله الثبات في زمن المتغيرات-

ربنا يثبتك انت وبينو
يا استاذ قلبي غريب
انت قلت لي على المدونة اني قلت حاجة كده وانت هترد عليها لكن يا ترى انت كنت تقصد ايه؟؟؟

Mohamed A. Ghaffar said...

ربنا يستر عليكم انت وبينو