Monday, February 12

فسينفقونها ....ثم....تكون عليهم حسره

السلام عليكم و رحمه الله و بركاته
و عليكم السلام و رحمه الله و بركاته يا أستاذ...البوست ده من عنوانه شكله كده كله تطرف...براحه شويه يا عم..!!
;) إزيك يا خط يا أحمر...فاهمني غلط دايماً كده....البوست بس ممكن يكون طويل حبتين
إمممم موعدكش إني أخليني معاك للآخر...إحنا في عصر السرعه يا عم..!!
طيب بس إسمع الأول و بلاش الوش الخشب اللي إنت ركبته ده...فكها ..هه...فكها بقه
طيب خلاص...إتفضل أنا سامعك
بسم الله
إنت هتخطب و لا إيه...!
هاها....يا سيدي سيبني أتكلم بقه...و بعدين هو أنا عملت حاجه دا أنا سميت الله ... إنت مش مسلم برده و موحد بالله
طبعا مسلم و موحد طبعاً
طيب...حد عمل مقارنه كده في دماغه بين كم ما ينفق علي الفيديو كليبات و الأفلام السينيمائيه و ما ينفق علي البرامج الدينيه
يييييييه قديييمه قوي
إيه ده مين قالك إننا عايز أقول إن الحكايه قديمه
فعلاً زي ما الأحمر قال كده بالظبط الموضوع مش جديد
الموضوع قديم قوي
من أيام ما بدأ الفرنساويين و الإنجليز محاولاتهم لغزو الدوله العثمانيه
و مخطاطتهم لتفتيت العالم الإسلامي إلي دويلات صغيره
كان هذا العهد هو بدايه السياسه الصليبيه الجديده
سياسه إيه يا عم...
سياسه إتباع سبل الغزو الفكري و التقليل من الغزو العسكري
إزاي يعني
زمان كانت الحملات الصليبيه في أغلبها يسودها الطابع العسكري و فقط
أما في العهد القريب و بعد الثوره الصناعيه في أوروبا أصبح المفهوم مغايراً و أصبح لهدفهم الأوحد و هو القضاء علي الإسلام وسائل أقوي نفعاً و أمضي أثراً من السلاح
إنه الغزو الفكري و الثقافي
تقصد محاوله تغيير العقيده و الأساس الذي ينبني عليه حياه المسلم و بالتالي تصبح السيطره عليه أدوم و أنفع
يا سلام عليك أديك فهمتني أهوه
من أجل هذا الهدف...رصد الغرب الصليبي مليارات الأموال و جند جنوده الثقافيين و جيشهم
و إستعان في ذلك ببعض المسلمين و العرب...الذين منحوا بعثات إلي أوروبا للتعليم و هناك إنبهروا بالحضاره الماديه و تم طمس هويتهم الإسلاميه...و السيطره علي أفكارهم لأنهم هم من سيكونون قاده الغزو في بلادنا بعد ذلك
جميل ... تقصد إن الغزو المره ديه قادته مكنوش لويس التاسع و قلب الأسد و لكن القاده الحقيقيين هم هؤلاء الذين يتم السيطره عليهم
يا أولاد الإيييييييه.....؟!!
بالظبط يا أحمر...و كان شعارهم هو الشعار المعروف
لتهزموا المسلمين يجب أن تخلعوا عن المرأه الحجاب و تغطوا به المصحف
و كان الآداه الفعاله في هذا الصدد...هي أناس مننا نحن
فليس معقولا أن يأتي اللورد كرومر و يدعو النساء إلي ترك الحجاب مثلاً و لكن المطلوب أن يقوم فتي مصري...لامع...لينشئ الفكره...و ينحاز له و يسانده بعض المثقفون اللامعون أيضا
و حبذا إن كانوا من الأبطال الشعبيين ذوي البريق لدي الناس
و ليس واجباً أن يستعجلوا الخطوات...فلم تكن دعوه قاسم أمين مثلاً دعوه علانيه لترك الحجاب...و لكنه علم أنه لكي يطاع....فلابد أن يأمر بما يستطاع
فليس معقولا في مجتمع كله منتقبات....أن تطلب منهم خلع الحجاب
فدعي إلي خلع النقاب و سفور الوجه...و هلم جره...!!؟
و ما نراه الآن من تبرج ما هو إلا حصاد بذره زرعها قاسم أمين منذ ما يزيد علي المائه سنه
طبعا كان له من يقف حوله من رجال لهم صبغه دينيه مثل الشيخ محمد عبده و آخرون لهم صبغه وطنيه مثل سعد زغلول...الذي خلعت زوجته النقاب و دهسته تحت أقدامها...!!!
يااااااه...دول بقه اللي إحنا بناخدهم في التاريخ..!!!
أيوه يا سيدي...المهم من أجل كل هذا دفع الغرب و لا يزال يدفع كل ما يستطيع و يجيش الجيوش الإعلاميه من أجل نقل ثقافه العري و الإباحيه إلينا
آااااه أنا معاك
تمام مثل ما يفعله الشيعه الروافض من دعم مادي و معداتي لحزب اللات في لبنان و فيلق غدر و جيش مقتدي في العراق...و ما يقدمونه من مساندات لمن يؤازرون نشر المذهب الشيعي في كل البلدان و خاصه في مصر و دول الخليج
أيضا الحركات الليبراليه في المجتمع المصري و الإسلامي يجيشون كل ما يستطيعون من برامج تليفزيونيه و حوارات و جرائد و صحف..كل ما يستطيعون...!!!
إنت عايز بقه تربط بين كل أعداء الإسلام و من ينتمون إلي إتجاهات تتسم بالعالمانيه مثلاً و تقول إن سياستهم واحده
بالظبط ...و كمان عايز أقول بقه حاجه و اللي هيه موضوع البوست
إن ظاهره إنتشار الإلتزام في الآونه الأخيره هي ما يضج مضاجع هؤلاء...هو ما يقلقهم...و يخرجهم عن شعورهم
لقد أنفقوا المال الوفير و الجهد الكثير و لذلك تجد البعض قلق إزاء ظهور الشيوخ في قنوات التليفزيون و ظهور قنوات فضائيه ذات منهج ديني واضح يتسم بالقوه و البيان مثل قناتي الناس و الحكمه و تجد البعض ينتقدهم في حين لم يحرك قلمه يمناً و لا يسراً ضد قنوات من نوعيه ميلودي أومزيكا
ثم و بعد كل ذلك لم يتحقق إلا قول ربي
إيه يا عم إنت كده ممكن حد يقول إنك بتكفر الناس
أعتقد إن كلامي واضح و محدش بيقول الكلمتين دول إلا الناس اللي بتلكك
و بيحاولوا يتصيدوا الأخطاء
الكلام كل مفاده إن كل الفئات اللي بتنفق مواردها الماديه للعمل بمناهج بعيده عن الدين .... إنقلبت أموالهم هذه عليهم حسره
فها هي زهرات الإلتزام تنمو علي غصون الدين
و ها أنا أرنوا ببصري بين زهر و رياحين
و غدونا نري بساتين إسلامنا تزهر من جديد
علي أيدي شباب يقدمون للأعداء أشد الوعيد
بقرآننا و سنه نبينا نحلم بيوم عيد
نعم إنها الحقيقه....حقيقه أن بعدما وصل الأمر إلي تعذر رؤيه إمرأه محجبه في الشارع...إمرأه تستر شعرها فقط إبان الستينيات...أصبح اليوم النقاب...هذا الرداء البهي
رداء العفه الأسود التقي
أصبح هذا المظهر مألوفاً في واقعنا
أصبحت اللحيه مظهرا حياتياً يوميا لا نستغربه و لا نستنكره
بل و أبتهج شخصيا عندما أري لحيه جميله تجر نقابا ثرياً في محتواه الأخلاقي
أبتهج حقيقه..و أقول القول المأثور
ياااااااااااله من دين لو أن له رجال
رغم ما أنفقوه لمحو الشريعه من رؤوس العوام
إلا أنه بمجئ رمضان من كل عام
تذهب أعمالهم حسرات
نهايه أؤكد لكم
فسينفقونها...ثم تكون عليهم...!!
حسره

7 comments:

ma_3alina said...

شوف يا بن بلدي المشكلة إن السياسة دي مش جديدة .. ومعروفة من زماااااان .. وحذرنا منها ربنا سبحانه وتعالى .. سياسة اللغو عشان تغلب وتبعد الناس عن الإسلام .. يقول الله عز وجل
وقال الذين كفروا لا تسمعوا لهذا القرآن والغوا فيه لعلكم تغلبون
اديها في اللغو والهيافة تغلب وتكسب الناس
والآية اللي قبليها على طول
وقيضنا لهم قرناء فزينوا ما بين أيديهم وما خلفهم
قرناء زي ما قلت من نوعية قاسم وزغلول
فالتحذير موجود .. بس مين يسمع ويفهم .. قول كمان وكمان .. ربنا يبارك فيك

يا قلبي يا غريب said...

السلام عليكم .. و الله يا اخي ما في مخرج الي الرجوع للنبع الصافي للشريعه الكتاب و السنه.. و كذالك هي سنه الله في ارضه بار و فاجر ..صالح و طالح..ولاكن يوجد ناس نسوا الله فانساهم الله انفسهم و طمس اعينهم عن قبح اعمالهم..و هم يحسبون انهم يحسنون صنعا
الَّذِينَ ضَلَّ سَعْيُهُمْ فِي الْحَيَاةِ الدُّنْيَا وَهُمْ يَحْسَبُونَ أَنَّهُمْ يُحْسِنُونَ صُنْعاً
و ايضا قال ربنا فيهم.. فَرِيقاً هَدَى وَفَرِيقاً حَقَّ عَلَيْهِمُ الضَّلاَلَةُ إِنَّهُمُ اتَّخَذُوا الشَّيَاطِينَ أَوْلِيَاء مِن دُونِ اللّهِ وَيَحْسَبُونَ أَنَّهُم مُّهْتَدُونَ ..كل واحد له عقله و لا يظلم ربك احد..المهم اخي لم اطيل عليك اسال الله ان يثبتنا علي الحق و اياك .. و ان يجري الحق علي قلبك و علي لسانك

أهل الجنه said...

طول ما في ناس زيكوا

طول ما أنا مبسوط

و عشان كده قلت

فسينفقونها ثم تكون عليهم حسره

لما ينتشر الإلتزام بالشكل اللي بنشوفه

و يكون في ناس زيكوا فاهمه و واعيه

علي الرغم من كل جهودهم

يبقي

ستكون عليهم حسره

khaled said...

جزاك الله خيرا على المواضيع الجميلة دى
و اسلوب جميل وبسيط

أهل الجنه said...

جزانا الله و إياك يا أخي يا خالد

رفقه عمر said...

ربنا يبارك فيك بجد بتوسل اللى انت عايزه بطريقه سلسله وبسيطه واسلوب جديد واحسن حاجه انك بتكتب لله مش منظر شكر من احد ربنا يجازيك خير وعلى فكرة منذ احداث سبتمبر والاسلام بفضل الله بينتشر بشكل كبير فى اوروبا ويمكرون ويمكر الله والله خير الماكرين صدق الله العظيم

أهل الجنه said...

رفقه عمر

يعني لا تفي الكلمات معني من معاني الشكر الجزيل لإطرائك

وصفتني بما أفتقده و أرجو من الله لو حصلت جزءاً صغيرا منه

الإخلاص...

شئ حقاً صعب ... أدعو الله أن يرزقنا الإخلاص

أشكرك و أنتظر دوما مشاركاتك