Thursday, February 8

البنج

السلام عليكم و رحمه الله و بركاته


انا عايز أتكلم عن البنج اللي إحنا خدناه...!!!


بنج....إحنا....بنج إيه....و إحنا مين يا أستاذ..!!؟


إحنا يعني المسلمين...و البنج هقولهولكوا بس بصوا معايا الأول ...شوفوا...!!جرافات الاحتلال تواصل الحفر بجوار المسجد الأقصى (رويترز)
وأفادت مراسلة الجزيرة في القدس أن الجرافات الإسرائيلية لا تزال تواصل أعمال الحفر والهدم في محيط المسجد الأقصى بوتيرة متسارعة.
حد قلبو إتخطف من بشاعه الصوره...!!!
حد الدم فار في عروقه...!!!
حد نبضه علي...صوته راح...مش عارف ينام...حد مبقاش عارف يشتغل..!!!
حد تفكيره إنشغل...مش قادر يضحك مع إبنه الصغير...!!
حد بص علي إبنه و زوجته و خاف من اليوم اللي حيبقوا في إيد اليهود قدام عنيه و هو متكتف...!!!
يبقي إحنا في حاله تخدير....إحنا واخدين
بنج
بس براحه بس متكبرش الحكايه
لأ لازم أتكلم لأن الحكايه كبيره أصلا و إحنا اللي مش واخدين بالنا و البنج مخدرنا
أول ما شفت الخبر ده قلت لنفسي ياااااااه الناس دي عرفت تخدرنا للدرجه ديه
طيب عارفين إيه هو البنج و مين هو دكتور التخدير...!!؟؟؟؟؟؟
البنج هو الأخبار و الصور و القتل اللي حوالينا كل يوم و التهديدات و الحركات
لأ لأ انا سيبتك تتكلم قلت الموضوع مسخنه بس تقولي الأخبار هي البنج ... كلام إيه ده يا عم الأستاذ؟؟
أسألك سؤال .... بتشوف كام طفل بيتقتل كل يوم ..؟؟؟
يووووه كتير
و إيه اللي بيجرالك..؟؟؟
يعني في الأول كنت بتنرفز و دمي بيغلي بس أعتقد إن دلوقتي الحكايه بقت عادي يعني...بس طبعا بتضايق
انت كده بتتكلم صح...بتتضايق بس بتكمل حياتك عادي...!!!
آااه
يبقي متضايقتش ... الحقيقه إنك في الأول كنت بتضايق و كان بيبقي الود ودك تقوم علي حيلك و تشيل قلبك علي إيدك...تساعد إخواتك و تشيل عنهم...لكن من كتر الصور و القتل و الدبح...لا مؤاخذه جتتنا نحست و مبقاش في حاجه بتهزنا
إمممم ممكن
و ده سببه إيه كتر الفرجه علي إخواتنا و هم بيتقتلوا و بيدبحوا...هي السبب
تقدر تنكر إن قناه زي الجزيره تمويلها الرئيسي من أمريكا..؟؟
لأ....!!!
طيب مسألتش نفسك ليه...؟؟أمريكا تمول قناه بتذيع و بتفضح جرائمها..!!!؟؟
ليه...؟؟؟
عشان هو ده البنج...؟؟!!
قوللي هو مين المستفيد من إن شعورك و شعوري يتجمد كده و نبقي مبنحسش..؟؟؟ مش أمريكا...؟؟!!
آااااه
يبقي فلوسهم مبتروحش بلاش...و عشان كده انا بقول إن البوست ده تكمله للبوست اللي فات...!!!
نفس سياسه التعريه .... يعرضلك قتل و دبح و موت و خراب...و يذيع أخبار و إشاعات أحيانا يدرس بيها رد الفعل في الشارع وصل فين
عشان لما يضرب يبقي بيضرب في جسد تم تخديره بواسطه دكتور البنج الشاطر تحت إشراف الجراح الكبير اللي هيقطع جتتنا حتت و إحنا مش حاسين
محدش يفهم البوست ده علي إنه هجوم علي قناه الجزيره
لااااااا...الموضوع مش كده خالص
الحكايه إننا لازم نراجع قلوبنا و نشوف ليه متقطعتش علي الأقصي
ليه قلبك مش فاهم إن ده مسري نبيك
ليه مش فاكر إن ديه البلد اللي تسلم مفاتيحها الفاروق عمر بن الخطاب رضي الله عنه بإده و هو في ثوب به 17 رقعه و قد اتسخت أقدامه بالطين و هو يقول
نحن قوم أعزنا الله بالإسلام فمهما إبتغينا العزه في غيره أذلنا الله
و تفهم و أفهم إن العزه أبدا مش هتكون في عالمانيه و لا ديموقراطيه و لا إشتراكيه و لا ليبراليه
العزه لله و لرسوله و للمؤمنين و المسلمين إن شاء الله
العزه في تطبيق و لزوم شرع الله
و تفهم و أفهم إن اللي بيحصل والينا من محن و فتن ما هي إلا بمثابه الصدمات الكهربائيه التي ستعيد الحياه و الإحساس في هذا الجسد المخدر
ها بنا
هيا بنا يدا في يد
هيا بنا عن ربنا لن يمنعنا أحد
هيا إذهب
هيا إذهب و كن علي ثغر الإسلام خير مجاهدٌ
فالله ربك و نبيك أحمدٌ
من قلب و الله ما هو أحسن منكم حالا إلا اني أعلم أني لو كنت بحال جيده كان سيكون هذا كلامي....و لذلك كتبته
أحبكم في الله
تكاد أعيني تذرف الدمع علي حال أمتي
يكاد قلبي ينفطر حزنا علي تقطيع أخوتي
يكاد أملي ينفلت مني إن أنا
عن دين ربي إبتعدت أحبتي
أحلم بيوم أسح فيه علي شراع أملي
أخوض غير خائف في أمواج فرحي
أرقب من بعيد جزيره حلمي
أهلل بيدي مستقبلاً واااااه لنصري
أما آن لي أن أعود إليك يا ربي
أما حان لي أن أبكي علي ذنبي
أهذا انا أم شخص غيري
أحبكم في الله

4 comments:

ma_3alina said...

ما تزعلش مني لما اقول لك

لقد أسمعت لو ناديت حيا
ولكن لا حياة لمن تنادي

ولو ناراً نفخت بها أضاءت
ولكنك تنفخ في رماد

ma_3alina said...

لكن برضه أقول لك حاول .. مين عارف ... يمكن

أهل الجنه said...

ما علينا إسمك جميل

و واضح فيه نبره اليأس اللي بتتكلم بيها

أنا عارف إن واقعنا أصبح محبط بس متخافش

فيه بوست إسمه تأملات يا ريت لو تقرأه

جزاك الله خيراً علي زيارتك و مشاركتك

يلا نفوء said...

انا مضايقة جداااااا ونفسى اعمل حاجة كويسة بس حد يقولي ازاي حياتنا كلها مدمرة و نفسى حد يبنيها معايا خلاص كفاية احنا عايشين في غيبوبة