Sunday, February 4

أنا حي

السلام عليكم و رحمه الله و بركاته
بقالي كتير مكتبتش....مكنتش قادر أكتب مش عارف ليه
المهم من يومين بهرتني فجأه فكره
إننا حي
عايش يعني...و
الحكمه من وراء هذه الحياه
لا يتأمل الكثير من الناس أن حياتهم هذه و أعمارهم الطويله في عمر البشر لا تعدو كونها سويعات صغيره
يعني مثلا أنا عمري كله يعني خمسين و لا ستين سنه هيجي ايه في ملايين السنين بدايه من آدم عليه السلام و حتي هذا الوقت
تلك النظره قد تغير كثيراً من نمط حياتك
إزاي يعني
قصدي إن الناس اللي شايفه نفسها يعني و فاكرين إنهم ياما هنا ياما هناك لو بص لنفسه كده و فهم إن عمره و سنينه ديه اللي هو شايفها عظيمه و مليئه بالتجارب و الخبره إنها مجرد ثواني في عمر البشر أكيد هيبص لنفسه نظره تانيه
و كمان هنفهم ساعتها إن أعمارنا ديه مع صغرها بالنسبه للزمن إلا أن بعض الناس إستطاع أن يخلد عبر الزمان و ذلك نتيجه لأنه إستغل سويعاته و ألصق بها أعمال عظيمه كان نتاجها أن ظلت أعماله خالده و بها خلد ذكره و خلد عمره
ليس خلوداً جسدياً و لكنه خلود فكري عملي خلود قيمه الإنسان و ليس جسده
أبرز هؤلاء طبعاً هو سيد الخلق أجمعين سيدنا محمد صلي الله عليه و سلم
فقضاء الأوقات في طاعه الله و خدمه دينه مخلصاً لله رب العالمين هي أدعي الأسباب ليخلد ذكرك و ليبقي أثرك
طيب ليه....؟؟
لأنك حينذاك تعمل من أجل خلود و رفعه دين الله عز و جل فيكون الجزاء من جنس العمل فيخلد ذكرك الطيب
و لنا أبرز المثل في إمام أهل السنه و الجماعه الإمام أحمد بن حنبل
كان الشيخ يأمر طلابه بألا يدونوا عنه شيئا في دروسه و يقول أن عندهم الكتاب و السنه و هما كافيان
و قضي سنين حياته يعذب في الله
فكان الجزاء أن وصل إلينا علم الشيخ كاملا دون نقصان و ليس ذلك فقط و لكن لا يذكر إسم الشيخ إلا و سبقناه بكلمه الإمام تشريفاً و تقديرا له
بعد هذه الإرهاصه
نظرت إلي نفسي و قلت
أنا حي
و كأني بفكر نفسي إني لسه عندي فرصه
فرصه ربنا سبحانه و تعالي سمحلي بيها عشان أعيش بعض الوقت
و ربما يكون قد إقترب ذهابي
إذن يجب الإسراع و إغتنام الفرصه
أنا حي و معرفش باقي قد إيه
و أنتوا كمان أحياء
حد عارف بقيله قد إيه
يبقي أحسن نحب بعض
و محدش يتكبر علي أخوه لإننا أقل من إننا نتكبر .... ده إحنا حتي منعرفش هنعيش قد إيه
يبقي أحسن ننشغل بديننا و إزاي نكون لبنه في بناء الإسلام مش إيد بتهد
يبقي أحسن نبص للأمام و نبطل ندم علي أشياء فاتت
فعاده النظر للوراء لا يعيد ما فات و إنما يعرضك للتعثر في ما هو آت
أنا حي و إنت حي
لكن هيجي يوم مش هتبقي إنت حي و انا ...ميت أو العكس
فلنوحد جميعا الحي الذي لا يموت سبحانه و تعالي
لا إله إلا الله

3 comments:

Memo said...

انا اول شخص
ههههههههههههه
جميل التاج
بس ليه مش مرتب الافكار
يعني التاج الي فات كان جميل و ده برضه بس يعني تسطر وتلون كدا
وههريك زيارات بقا
تحياتشي

khaled said...

لا اله الا الله

أهل الجنه said...

ميمو علي طول بتضحكي

ربنا يبسطك علي طول

بس المهم متكنش تريقه...؟؟

و مرحب بزياراتك علي طول

خالد

كلمه جميله ...لا إله إلا الله محمد رسول الله

بل هي خير الكلام