Wednesday, February 28

مبينكسفوووش.....!!؟؟

السلام عليكم و رحمه الله و بركاته

اللهم صلي علي سيدنا محمد و علي آل سيدنا محمد كما صليت علي آل سيدنا إبراهيم و بارك علي سيدنا محمد و علي آل سيدنا محمد كما باركت علي آل سيدنا إبراهيم في العالمين إنك حميد مجيد

ثم أما بعد

إعذروني إذا كان الموضوع قد يتخلله بعض الخروج عن سياق الأداب العامه و قد يشوبه بعض الألفاظ التي أكرهه أن أكتب بها

بقولك إيه يا أستاذ

إيه يا خط يا أحمر

سيبك من المقدمات ديه و إزلف علي الموضوع علي طول..؟

إزلف...آاااه ياني...طيب يا سيدي

إيه بقه العنوان ده قصدك بيه إيه...هم مين اللي مبينكسفوش

أقولك يا سيدي

البنت اللي مش محجبه...أو المحجبه...حجاب من إياااه..أبو بنطلون جينز محزق و خرقه علي شعرها

ناهيك عن الجانب الديني

و هي ماشيه في الشارع مبتنكسفش

إزاي يعني

يعني..و هي عارفه إن كل الدنيا مبحلقه لامؤاخذه في كل حته في جسمها مبتتحرجش

مش عارف ليه الفكره ديه في دماغي بقالها كتير...بس أنا ...أنا

ذكر...رجل يعني

و بتكسف جداً

يعني أقصد

زماااااان.. و أنا صغير..زماااااان...يعني من بتاااااع عشر سنين كده..زمااااااان بقه

و انا عندي مثلا تلاتاشر أربعتاشر سنه...كنت أسمع مثلاً الناس الكبار و هما بيقولوا خللي بالك يا فلان الأندروير باين

بأدب و إحترام فائقين...و كان الموضوع فيه حرص بالغ علي حياء الشخص..و إعذروني إن كان الكلام فيه تدني

لكن دلوقتي...الموضه إن الواد (بتاع سوسو و توتو) يمشي و الأندروير باين

و البنت لو البنطلون مش مفرتك جسمها و كل حته فيها بتوصف نفسها تبقي بنت بيئه و دقه قديمه

يعني...أنا مش فاهم

إزاي ممكن حد يقبل كده

لما أسمع بنت بتكلم بنت...بتقولها قوليلوا (يابن ال....) أفتح بقي بقه انا ساعتها و لا أعمل إيه
و يبقي إسمه إيه ده
عالم مبتنكسفش

بس إنت مكبر الحكايه حبتين يا عم الشيخ... و بعدين إنت إيه اللي بيخليك تبص..؟؟؟؟؟

شوف بقه أهو إنت كده هتنرفزني عليك

يا عم ما أنا بنزل الشارع و أكيد غصب عني في مرات بتقع عيني علي المناظر ديه

و بعدين إنت ليه بتسفسط..هو أيهم أهم إن إحنا نناقش المظاهر العوجه في مجتمعنا و إلا نتصيد لبعض الأخطاء

و الا مطلوب إني أسكت ساكت و مفتحش بقي

طيب ... بس باااس بررراحه

أنا بقه مش هو ده موضوعي...أنا سألت نفسي سؤال

ليه الدنيا إتغيرت كده...ليه مفهوم الأدب و الحياء إختلف تماماً كده

بقت البنت اللي بتتكسف تكلم ولاد بنت شاذه

أصبح الولد اللي بيحمَّر وشه لما يكلم بنت ولد خيبه

الولد اللي بيحاول ميعملش علاقات مع بنات إسمه واد دقه قديمه
تخيل ده في بنات لما بيتقدملها عريس ممكن ترفض علشان هو ولد خاام و ملهوش تجارب..يعني مفرقعلوش إزازتين بيره و لا مشيش مع بنات قبل كده
تخيلوا ده في بنات...و آسف لكن هعمل إيه هم إسمهم كده بنات..بتشرب مخدرات عيني عينك مع ولاد
في بنات و ولاد محترمين لكن أنا بتكلم عن الشريحه السيئه اللي كل يوم بتزداد
و خايف يجي اليوم اللي يبقي ده العادي
زي ما أنا دلوقتي لما بسمع الكلام ده بقول عادي
مش عايز أقول عادي
عايزين نسأل ليه
مين غيرنا...!!؟؟

عارفين مين اللي غيرنا كده

فكرواااا

مين

ناس من جلدتنا..هما هما..هتلقيهم في كل حته

عارفين زوزو...بتاعت يا واد يا تقيل

عارفين النوعيه ديه من الأعمال..و أنا بتكلم عن الأعمال..و مليش دعوه بالممثله لأنها عند مليك مقتدر الآن

عارفين العنب العنب العنب

عارفين دينا...الرقاصه

و سبحان الله دينا ديه بقه فيها شئ عجيب

سبحان الله لو قلت دينا بس...متعرفهاش و متتعرفش إلا إما تقول دينا الرقاصه

شوف ربك...لما يذل حد..محدش هيعرفها بعد كده إلا إما تقول الرقاصه..سبحان الله

نرجع لموضوعنا

عارفين مين اللي عمل فينا كده..ناس من عينه هاله توهان

و إيناس الدغيدي اللي إسمها أعتقد إنه أشتق من إسم حيوان من الحيوانات المتطوره في معيشتها و تعيش في تجمعات

لاحظ إيناس و نسناس

عارف مين كمان.. ناس زي نوال السعداوي مثلاً

اللي بتقول إنها هربت من الجو الجنسي المنتشر في مصر بسبب ظاهره تعدد الزوجات

و هربت راحت فين بسلامتها...راحت أمريكا

طبعا الرف الأمريكي حيث لا جنس و لا يحزنون

حيث الجنس هناك يباع مثل الليمون

لكن تقول إيه..و من يضلل اللهٌ فما له من هاد

عارفين إيه كمان بوظ قيمنا كده...و ده أنا هكتب عنه بوست لوحده

الوصله...!!؟

وصله إيه يا عم..؟؟

وصله الدش..حسبي الله و نعم الوكيل..أنا بجد بيصعب عليا الراجل بتاع الوصله ده..شايل ذنوب شعب بحاله في رقبته

إيشي تي في لاند و إيشي موفي وان و تو

و القنوات ديه بتعرض برامج في منتهي السفاله

يا جماعه

بس بس...يا عم إنت قاعد تتكلم و أنا سايبك من الصبح..الكلام ده كله إحنا عارفينه كويس..ريح نفسك بقه الله يهديك..!!؟

الله يهدينا و يهديك يا خط يا أحمر..إلزم أدبك عشان بجره ماوس همسحك من الموضوع خالص..ماشي

و إسمع الكلام للآخر

;)ماشي

يا جماعه أحنا مبنكتبش هنا عشان نكتب و خلاص

و لا عشان تقروا..و ممكن حد منكوا يقولوا برافو موضوع جميل

و لا حتي اللي هيقفل و ميكملش قرايه

إحنا بنكتب عشان تتولد فكره..و الفكره تكبر بكره..و تتبني..واقع في مجتمعنا

عشان نغير

و نتغير

إنت و أنا إبتدي بنفسك

و بأهل بيتك

و بقرايبك..من غير متدخل نفسك في مشاكل الإختلاط..يعني متكلمش بنت عمك..كلم إبن عمك الأول و هو يكلم أخته و هكذا...!!؟ قيمنا تتغير

يا جماعه اللي بيحصل في التليفزيون ده مش أي حاجه كده و خلاص..لأ..ده متخططله من زمان

الناس اللي ذكرتهم دول مسنودين و بيجدوا دعم كبير من بره

إيد علي إيد تعلي

إيد علي إيد تساعد

إحنا أقوي لأننا

بنعمل لحب ربنا

إحنا أقوي لأننا

نطبق سنه نبينا

أحبكم في الله

لو تعلمون كم يحتاج أخيكم لدعائكم..لدعوتم لي بالليل و النهار

أدعوا لي أن يهديني الله

Tuesday, February 27

أريد...فهل أفعل..؟

السلام عليكم و رحمه الله و بركاته
و الصلاه و السلام علي خير خلق الله..المبعوث رحمه للعالمين سيدي و حبيبي بأبي هو و أمي رسول الله..محمد بن عبد الله

أما بعد..أشهد الله أني أحبكم في الله
عايز أفضفض

عايز أتكلم

عايز...عايز...أبقي كويس

عايز أكون من أهل الجنه


لأ


من أهل الفردوس الأعلي من الجنه

بس للأسف كلام من غير فعل

الشيخ محمد حسين يعقوب...جزاه الله عني خيراً..و أنا و الله أحبه في الله

دايماً يقول
هي الجنه...من غير منبقي مع رسول الله صلي الله عليه و سلم هتبقي عامله إزاي

صحيح...هتبقي عامله إزاي

في الجنه في ناس ستري وجه الله مرتين في اليوم

و في ناس ستري وجه الله الكريم مره واحده كل أسبوع
في الجنه..أعلي نعيم هو رؤيه وجه الله الكريم

في الجنه..هناك أناس ينظر لهم أهل الجنه و كأنهم كواكب دريه في السماء..في غرف من لؤلؤ

قرأت عن هؤلاء الناس كلاماً لطيفاً جدا للشيخ الرائع الزاهد بحر التواضع الشيخ سيد حسين العفاني في كتاب له أسمه أعلي النعيم الشوق إلي الله و رؤيه وجهه الكريم

يقول الشيخ...أن هؤلاء الناس لما أخلصوا في محبه الله تعالي...و إرتقوا في الحب

كان الجزاء من جنس العمل


فالمرء مع من أحب



و هؤلاء كان حبيبهم هو الله سبحانه و تعالي





عمرك و عمري عشت و حبيبك هو الله سبحانه و تعالي

هؤلاء الناس...إرتفعوا عن كل الناس الذين صرفوا حبهم و مشاعرهم إما لإمرأه يعشقها أو مال يغتنمه أو منصب يريده أو ...غيرها من شهوات الدنيا

أن يصبح حبك لله أغلي ما تعيش به في دنياك,,,فذاك هو أعلي النعيم حقاً

هل تستشعر ذلك و أنت واقف بين يدي مولاك

هل تخر ساجداً لتنهل من عذب و جميل قول سبحان ربي الأعلي

هل تحس بلحظات لا تستطيع أن تتوقف عن قولها...تلهج بها...ينطق بها كل ركن من أركانك...يعلو بها كل جزء في وجدانك تصفو بها و تصفو لك بها الحياه...تذوب فيها ذلاً لحبيبك سبحانه و تعالي..تشعر بها بين شفتيك و فوق لسانك تجري حلوهً عذبهً هنيهً...تطمأن قلبك و كيانك

هل تستوي قائما لله...ناظراً محل سجودك ذليلاً في خشوعك مستحضراً عظمه مولاك..رأسك محنيه علي رقبتك و يديك اليمني فوق اليسري فوق صدرك متسقتان في منظمه ذل و خشوع متناهيه...عقلك يستمد من قلبك أوامره...قلبك يستمد دقات الذل من لسانك..الذي ينطق بكلمات الخالق...يتمتم بها في خشوع..فهي كلمات حبيبه...و عندما يستتب الحب في القلب فإنك تهفو إلي سماع كلمات محبوبك..فكيف إذا كان الحب لله الواحد الأحد..كيف إذا صار القب ملكاً للصمد...كيف و كيف ... من تسمع خيراً من كلام القرآن

هل تنحني راكعاً...مسبحاً قائلاً سبحان ربي العظيم في حين تتصور هيئتك في ركوعك..ظهرك محني..يداك متشبثهً بركبتاك كأنما ترفض إلا الخضوع لرب العالمين...عيناك تنظر للأرض تذللاً و إنكساراً...أوقات نعيشها خمس مرات ليلاً و نهاراً

هل نتذوقها هكذا...هل نحسها هكذا

كم نذكر الله...قد يقول أحدنا كثير...كم من وقتك تنقطع لذكر الله

دقائق معدوده بعد كل صلاه
يقول الشيخ محمد حسين يعقوب و يقسم بالله أنه شخصياً رأي من يذكر الله و هو يأكل نعم أثناء تناوله لطعامه فذكر أنه رأي الشيخ بن باز رحمه الله عليه يوقف مضغ الطعام في فمه ليذكر الله

يااااااااه ده إحنا بعيد قوي

و إحنا ليه..أكيد منكم من هو أفضل مني

ده أنا بعيد قوي

كم ساعه يقضيها طالب الثانويه العامه الذي يريد أن يحصل علي 97% في المذاكره
في أقل تقدير 10 ساعات

هل قضيت في أي يوم منذ ميلادك 10 ساعات
متواصله تتدارس القرآن

هذا فعل من يريد المجموع في الثانويه فكيف بمن يريد الجنه

تعلم أن هناك من الأعمال ما لا يعلمه أحد غير الله وحده..أقصد و لا حتي الملكين يكتبونه.. و هو ذكرك لله في نفسك

تعلم أني أسأل الله أن يرزقنا حبه و حب من أحبه و حب عملٍ يقربنا إلي حبه

تعلم أني أريد حقاً أن أكون من هؤلاء الذين أحبوا الله حتي ينالوا تلك المنزله التي يراهم فيها أهل الجنه جميعاً كالكواب الدريه في السماء

تعلم أنها إراده لا يصحبها عمل
تعلم أني ينفطر قلبي علي حالي

تعلم أني أحتاج دعائك

أدع الله لي يا أخي
فأنت أخي

أحبك في الله

Sunday, February 25

أحياناً.....؟

السلام عليكم و رحمه الله و بركاته
أحياناً...لا أعرف نفسي
أحيان أنكر قلبي
أحيانا أعشق يأسي..أحيانا بل كانت أكثر من أحيان..!
أوقاتاً أعشق همسي
أياماً سألت نفسي
هل غاب عني فرح الأزمان
و دهوراً عشت بلا طعمٍ
و شهوراً أحيا بلا نومٍ
و ليالي ذقت الحرمان
بيديها..قتلت قلبي
بعينيها ذبحت عنقي
بجحود و بكل الطغيان
أياماً عشت بلا رمزٍ
أحلاماً ضاعت في أمسٍ
و زهورا خاضت في دمٍ
عيناي تصحو و لا تنام
بيداي ناجيتك ربي
عيناي تلمعُ بالدمعِ
شفتاي لا تملك قولاً
و يدايا لا تقوي فعلاً
و قلبي أسير الأحزان
بأنيني صرخت يا ربي
بحنيني أقبلت أجري
قد تهت .. أغثني يا مولاي
و بذلي ركعت في صلاهٍ
بلساني يا عظيم أسبح
و بكل كياني في نعيمك أسبح
قد بان الفجر من الليل
قد آن الصبح و قد آااان
يا حبيبي..أقولها يا ربي
منكسر لا أشعر بوجودي
و هويت أبكي في سجودي
و علي صوتي
و غاب حزني
و إنتحب صدري
أعبد ربي
من بعد التيه و بعد الذلِ
من بعد اليأس صار الأمل في جبيني يجري
من بعد الحزن صار الزهر يكسو الأغصان
من بعد الذبح..صحت روحي
بأدق الوصف..دق قلبي
لله الحق..صار حبي
كل يوم يزداد بلمعان
كانت طعناتي غائره
كانت سكرتي حائره
و بغير ربي لم أكن لأجد للأمل شطئان
كانت أحلامي باهته
كانت أيامي صامته
و بغير ديني لم أكن لأعرف الأمان
كان شعار عمري اليأس
كان قلبي يحي في الأمس
و بغير سنه نبيي(ص) لم أكن لأعرف طعم الأيام
كنت أحبو و بفضل ربي جريت
كنت في قفار و في البساتين غدوت
كنت أسكت كنت أصمت و بحمد الله نطقت
كن أداري قلبي من الأنوار
كنت أهرب من رحيق الأزهار
علامات كانت تذكرني و تقود فكري للإنفجار
كنت أتهاوي كنت أسقط و بحمد الله علوت
كنت ساهر كل ليلي..كانت مغشياً علي طول يومي
كنت
لا لم أكن
و لكني أصبحت الآن عبدا للرحمن
لم أكن أحيا
لم أكن أنا بل كان غيري
إهداء إلي أخي الحبيب
ياقلبي يا غريب

Tuesday, February 20

قل موتوا بغيظكم (نقاش مع وهابي)..؟

السلام عليكم و رحمه الله و بركاته
بص بقه من أولها أهوه أنا بقولك....محدش هيرحمك من أصحابنا إياهم...و أنا مش هحوش عنك
هاهاها....إزيك يا خط يا أحمر...وحشتني بقالك بوستين مش موجود...الناس وحشها نقارك
مالك بقه يا سيدي خايف من إيه
ماهو المثل بيقول...البوست باين من عنوانه
إمم...طيب إحنا مش متفقين إننا نسمع بعض الأول
.....دايما تغلبني كده....!!!
عارف إنت طيب يعني إيه وهابيه..؟؟
وهابيه..ديه ...يعني...حاجه وحشه قوي...دول الإرهابيين...المتزمتين
الكلام ده إنت قريته في مرجع أو كتاب موثوق فيه
و لا قريته لمين...!!؟
يعني ما كلهم بيقولوا كده...الناس بتوع الحريه و المعارضه و الكلام ده..و بتوع الشيعه كمان
طيب مش عيب متسألش صاحب الشأن الأول
و بعدين يا أخي هو إحنا ليه في كل حاجه نقول أهم شئ التخصص...و في الدين كل واحد يتكلم علي هواه
عارف إنت كده عامل زي مين...!!؟
مين...!!؟
راجل غلبان عنده حمار بيحبه قوي و لقي الحمار عارف طريق الغيط لوحد فأفتكر إن الحمار بيفهم في كل حاجه فلما سنانه وجعته قام فاتح بقه في وش الحمار...قام الحمار هابش أنفه..!!
مين بقه الحماااااار....!!؟
الحمار..محدش حمار يا عم أنا بقولك مثلاً مثلاً
إمم...(; مش مستريحلك....!!
المهم خلينا في موضوعنا...إن المفروض أول حاجه أسأل أهل العلم..و أعتمد علي مصادر أهل السنه
عارف إنت ليه بيستخدموا كلمه الوهابيه
ليه..بجد عايز أعرف...ليه؟
علشان يفهموك إن الوهابيه ديه شئ غير الإسلام...يعني بدل ما يقولوا السنه أو الإسلام يقوموا يقولوا الوهابيه عشان يبقي اللفظ أخف....لكن المهم بقه في الآخر لفظ وهابيه ده بيوصف ايه...؟
يعني إيه أول حاجه بتيجي في دماغك لما بتسمعه؟؟؟
أكيد التشدد...يعني مثلاً
اللحيه و الجلباب القصير...و النقاب مثلا...!! ديه بالنسبه للمظهر يعني
أولا أنا فعلاً مبسوط بصراحتك
طيب ممكن أسألك سؤال
هو الإمام الشافعي و الإمام مالك و أبي حنيفه كانوا وهابيين
يعني لما يكون إجماع جمهور العلماء علي وجوب إطلاق اللحيه...يبقوا كلهم وهابيين
بلاش
هو عبد الله بن عباس و بن مسعود و الصحابه رضوان الله عليهم كانوا وهابيه
بلاش ديه كمان
مش أحسن نرجع بالصوره لأصلها...يعني بلاش يا سيدي الإمام محمد بن عبد الوهاب
خلينا في النبي محمد بن عبد الله صلي الله عليه و سلم
أليس هو من أمر بتقصير الثياب...و إطلاق اللحيه
يبقي الأمور ديه من الدين
مش وهابيه بقه و لا حاجه
ماشي أنا معاك بس برده فيها تشدد شويه
ممكن أسألك سؤال..!!؟
هل كان رسول الله صلي الله عليه و سلم متشدداً؟؟
لأ...لأ ..لا طبعاً حد يقدر يقول كده حاش لله
إذن أكيد أوامره مافيهاش تشدد...صح و لا إيه
طبعاً صح...بس يعني تفسيرات العلماء و الزمن إتغير و كده يعني..!!
عندك شك إن علم الله سبحانه و تعالي وسع كل شئ و كل زمن..!!؟؟؟
لا طبعاً يا أخي..؟؟
طيب إذا كان إحنا البشر بعقولنا القاصره لما بنيجي نعمل مشروع مثلاً...بنعمل خطط مستقبليه لعشرات السنوات القادمه صح..!!؟
أكيد طبعا
هل تظن إذن أن الله الخالق الذي خلق عقلك هذا الذي تفاخر به..أنه سبحانه و تعالي غاب عنه أن يكون شرعه مناسب لكل زمان و مكان..!!؟؟
لا طبعا..حاش لله
إذن فما أوحاه الله سبحانه و تعالي إلي نبيه صلي الله عليه و سلم هو ما يصلح لأي زمن و لأي مكان
صح
إممم....طبعاً
طيب ممكن أسألك سؤال كمان...شايف إنتشار اللحيه و النقاب اليومين دول..؟؟
آه أكيد
طبعاً حاجه جميله إنتشار الإلتزام و التدين..!؟
فعلاً حاجه تفرح
لو كان كل واحد حلق لحيته بقه من زمان و محدش صبر علي هذه السنه العظيمه...مش كان زماننا دلوقتي منعرفش أصلاً يعني إيه لحيه
عندك حق ده إحنا كنا هننساها تماماً و كانت هتطمس من الدين
يبقي مين اللي عنده حق...الراجل اللي وقف مكانه و ثبت و تمسك بسنه نبيه...و لا الأخ التاني اللي قالولوه إحلق راح حالق...و مقاومش عشان دينه
أكيد طبعا اللي قاوم
طيب يوم القيامه إن شاء الله ... ألا تحب أن تلقي نبيك و أنت متمسك بسنته كامله و لم تفرط في شئ منها..؟
نعم أكيد
انت مش معايا إن حياتنا ديه مهما طالت في الآخر قصيره..و إن الموضوع كله إنك إنت و أنا نستحمل شويه
أمال مين الرجاله اللي هيشيلوا الدين...مين لما أنا و إنت هنقول لا يا عم أنا مقدرش علي تطبيق السنه..؟؟
عندك حق طبعا إحنا
و بعدين يا سيدي اللي قاعدين يقولولنا وهابيه و إرهابيه
إحنا بنلاقيهم يعني بدل ما ينقدوا الأفلام و الفيديوكليبات بينقدوا في السنه
يعني مسمعناش حد فيهم هاج و ماج علي دينا الرقاصه (الله يهدينا و يهديها) يعني
و لا مثلا قال لسعد الصغير إيه الفجور و قله الأدب اللي بتقولها ديه
و لا حد منهم هز طول سعادته و راح رفع دعوي قضائيه ضد مرتادي شواطئ العراه مثلا في الساحل الشمالي
أو حتي عمل تصويت من أجل إغلاق شاطئ لابلاج مثلا في مارينا
آه صحيح
و ده بقه يوضح قصدهم تماماً....الناس ديه اللي بيضايقها حاجه واحده بس هي إنتشار الدين و الإلتزام
و لما يشوفوا واحد أطلق لحيته مثلاً
يقولك ده أصلهم غسلوا دماغه
هاها...آه صح
طيب هو الغسيل مش يعني نضافه...يبقي عندهم حق الراجل دماغه نضفت
فإنما سمي الغسيل من النظافه
فنشكرهم علي إعترافهم ده
تصدق عندك حق
طبعاً...أنا بسمع و بشوف تعليقات...بجد ما يقلهاش إلا جاهل
و فعلاً مشكله الناس ديه إنها بتتكلم بجهل شديد
و لما بيتكلموا عن الإسلام
إما إنهم بينقلوا آراء لغربيين
أو آراء لناس كل ثقافتهم إتربت عند أقدام الفكر الغربي
يعني ناس ثقافتهم ريحتها وحشه ... مع الإعتذار للريحه الوحشه
كفايه يا عم ضحكتني
سيبني ..إحنا فعلا محتاجين نرجع لديننا و نفهم
محتاجين نقرا
لمصادرنا الموثوق فيها
البخاري و مسلم
كتب بن كثير
التاريخ الصح مش شغل الرعاع اللي بيعملوه علينا
الفقه ناخده من منابعه الصح
من آراء الصحابه و التابعين
و لما ألاقي شيخ مهما كان مين بيقول كلام عكس كلام الصحابه
يبقي كلامه ده مكانه الزباله
حتي لو كان شيخ و بعمه و طالع في التليفزيون و و
يعني ميجيش واحد يقولي ده أنا عندي بيانو في البيت و بعزف ناي بعد ما عرفنا كلام سيدنا عبد الله بن مسعود في الغناء و المعازف مثلاً
لا و الأدهي يقولك ده انا بحب أسمع عبد الوهاب
طيب مقالوش عليه وهابي ليه ده كمان
هاهاها عندك حق
شفت بقه إن الناس ديه ناس مرجعيتها كره الإسلام و كره أي مظهر يذكرهم بإنتشار الإلتزام
لذلك يكرهون اللحيه و النقاب
مش عايزين الناس تظهر إلتزامها
مش عايزين الإسلام يبان في مجتمعنا
المنظر بينرفزهم
وأنا صراحه أشفق عليهم لأني أعلم مدي حنقهم
ولكن...أجابهم رب العالمين فقال
قل موتوا بغيظكم
بس خلاص
و يجعله بإذن الله عامر يارب
عقلي و عقلكوا طبعاً

Monday, February 19

يا قلبي يا غريب

السلام عليكم و رحمه الله و بركاته
ملحوظه: يرجي قراءه الموضوع بالكامل
عمرك حسيت إنك مجروح
عمرك حسيت إن في عز ما إنت طاير...جناحك إتكسر
عمرك حسيت إنك عايش بين الناس مدبوح
عمرك حبيت
عمرك عشقت كلام الليل و الغني
عمرك دب في قلبك نبض و إفتكرته نبض الهنا
عمرك ضحيت
عمرك عشقت حد و حسيت
إنه هو كل الحياه
عمرك دوبت في حبيبك ذوباناً إلي منتهاه
عمرك شفت الشمس في عين حد بتحبه...عمرك عشت الفجر في جبين حد أمرك يهمه
عمرك غيرت عليه بجنون
عمرك كنت في عز غضبك...حنون
عمرك حسيت إنك و إنت معاه ملكت الكون
عمرك طيرت..من غير جناحين
عمرك كان نفسك تجري دمك لحبيب..عمرك حسيت في جسمك بلهيب
لما بيغيب.
عمرك ضاع حلمك
و إنحبس جوا عينك دمعك
إنكسر قلبك
حسيت بحنين
قطع ملامحك
داس علي دقات قلبك
عمرك عشت من غير روح
إنسان فاضي قلبك مدبوح
عمرك حسيت إنك في عز ما عايز تصرخ خايف بجرحك تبوح
عمرك لميت قلبك ..خدته في إيدك و نسيت عيدك..قعدت إنت و هو بعيد
قاعد علي بحيره الهوي
..نفسك تركب شراع النسيان
عمرك عينك دارت حولك..و إنت لا حولك
حد يعينك و لا إيد إنسان
عمرك عشت في ذكري و عشقت النسيان
و كنت فاكر مشكلتك هي أقوي عذاب
حسيت إنك تايه مش لاقي الباب
عمرك فكرت...بعد ما تعبت ده كله و إحترت
إن الحياه لو كل هدفها كلمه عشق و لحن عذاب
يبقي إحنا عايشين في سراب
عمرك فكرت...إن العشق ده خيبه و غمه
إن في حاجات كتير تانيه مهمه
إنك واحد في كيان أمه
إنك واحد في رقبته هم الإسلام
لو حسيت
عمرك ما تنام
طول ما الأم حاضنه وليدها
ماسكاه في إيدها
و رصاص الغدر بيملي الأركان
لسه شايف إن عشقك يستاهل أحزان
طول ما الطوبه بتصرخ في إيدين طفلي
و الأم تنادي و جوزها بيجري
يزف وليده للجنه بإيده و عنيه بتبكي
طول ما صوتها بيدوي في ودان كل الأمه ...صونوا الإسلام
عمرك ما تنام
قلبك يصحي و ينسي عشقه
يذكر ربه
يشيل هم دينه و همه
حب الهوي مش كل همومك
في أهم منه
حب الله
حب رسولك
مش كلمه تقولها...لا لا لااااااا
ده سلوك تعيشه في ليلك و يومك
أنا زيك... و زي كل شاب
عشت كل ده..و أكتر منه كمان
و بعد كل ده...لقيت طوق النجاه...مركب ماشيه في وسط الضلمه رميتلي حبالها...و بفضل الله
لقتني ركبت و عن كل اللي قلته من شويه بعدت...قلبي رجعلي الحمد لله
عمرك سجدت تشتكي لله
حاول تسجد...لربك و أقعد..إحكي اللي نفسك تكتبه...عمرك كلمت ربك كده...صدقني هو ده الحل الوحيد
العشق إذا خالط القلب...سكنه و ليس بخارج منه إلا بقوه و يقين لا يأتيان إلأ بالإستعانه بالله
إعلم أخي و إعلمي أختي
أن كل علاقه تجمعك بشاب أو فتاه في غير ما أمر الله أن لها أثرها الضار علي قلبك
إعلم و أعلمي أن ما قدره الله هو ما سيكون يقينا
عمرك حبيت ربك زي ما حبيت غيره
عمرك كان كل همك رضاه
عمرك قضيت ساعه في ليلك مناجاه
عمرك حبيت نبيك صلي الله عليه و سلم
عمرك حبيت دينك زي ما حبيت حبيبك أو حبيبتك
الحب مش بس معناه...حبيب و حبيبه و غنوه و مركب في النيل و شكل جميل..و و و ..
الحب أعلي من كده بكتير
و لما يجي الوقت المناسب...هتكون حبيبتك زوجتك
و حبيبك زوجك...و هيكون اللي بيجمعكوا برضه حب الله
و لو لسه الجرح في قلبك قايد
و لهيبه يوم عن يوم تلقاه زايد
يبقي إسمع نصيحتي
إعلي علي ضعفك
إركب موجه أملك
هلل و إرفع إيدك و انت بتشاور علي جزيره فرحك
جدد عمرك
حزنك علي اللي فاتك مش هيزود صبرك
إفتح قلبك...متخافشي
إرسم حلمك ...قوم و إمشي
إنت أقوي من ضعفك
أكيد تقدر تفوق من همك
و قبل كل ده إستعين بالله ربك
إسجد قول...يا رب من غيرك ليه و أنا مبتلي و قلبي مكسور
إسجد حس ب الذل
قدام الخالق ربك
إسجد قول...يا رب جيتلك
و لمين راح أروح لو مش هرمي حمولي عندك
قف زي المسكين علي بابه...و أكيد برحمته هيفتحلك
قوم نور قناديلك
قوم و إسجد ساعه من ليلك
ربك أعلم
ربك أكرم
ربك قريب
بس إنت تفكر
تعالي و إشكي و مين أكرم
من ربك مين غيره يسمعك
تعالي إتكلم قول كل اللي بيوجعك
معظم الأفكار جاءت إرتجاليه..فأرجو إن ألفاظي متكنش مفتعله...و أرجو أن تكون خالصه لله تعالي
و أن تبلغكم منها النصيحه
و أرجو أني أكون وصلت و لو فكره صغيره
و مش عايز أطول عليكوا
بس
اللي هزني و خلاني أقرر أكتب البوست ده سببين
أولهم مدونه شخص عزيز عليه...أنا معرفوش شخصيا و يمكن من ساعات مكنتش أعرفه
بس لما زارني و زرت مدونته ... قلبي وجعني
و إفتكرت إني من قريب كنت زييه
و ثاني سبب إن أنا أصلا الموضوع ده بيألمني قوي...موضوع العلاقات العاطفيه بين الشباب و البنات و اللي بيجي من وراها
بجد أنا من أكتر الناس اللي بيقطع قلبي كل قصه حزينه منهم
وحش قوي لما تشوف قدامك شخص بيدبل
شخص عايش جسد و بس روحه عنه بترحل
و لأني جربت عارف أكتر...إزاي الموضوع ده في حياه كتير من الناس بيأثر
بس ده عمره ما بيحصل و إنت مستعين بالله
و بجد و الله العظيم
مالهوش حل
إلا إن ربك يطهر قلبك

Saturday, February 17

عيد.....عيد.....الفطر؟؟ لأ....الأضحي؟؟ لأ...أمال إيه؟؟ عيد الحب!!!!...حب؟؟


كتب أخي في الله و حبيبي محمد الجوهري
أشهد الله و أشهدكم أني أحبه في الله
بسم الله والصلاة والسلام علي سيدنا محمد عبده ورسوله

اما بعد

فهذه المرة الاولي التى اشارك بالكتابه الي هذه المدونة الطيبة أسأل المولي عزو جل أن يجعل العمل خالصا لوجه الكريم
ثم اما بعد
كان أول أمس الموافق الأربعاء 14/ 2 يوم عجيب جدا اذ اتصل بي ابي وقال لي مازحا كل سنه وأنت طيب قلت ليه يا حاج هو فيه أيه قال "مازحا" اليوم عيد الحب
قلت في نفسي عيد الحب ؟؟؟؟؟؟؟؟؟؟؟؟؟؟؟ وأبويا هوه اللي بيقولي عليه؟؟؟؟؟؟؟؟؟؟؟؟؟؟؟؟
اه ه ه ه ه ه ه ه ه ه ه ه .لما ابويا عرف عيد الحب لأ مش عرفه وبس لأ وعارف انها مناسبة للتهنئة كمان
هو ده اللي الناس عايزاه
.
ناس مين؟ كل واحد عايز يلغي كلمه الدين والله متم نوره ولو كره الكافرون . عايز نرجع مع بعض اخي في الله سبع تمن سنين فاتوا. بالله عليك كنت بتسمع حاجه عن عيد الحب هذا
طبعا لأ وحتي لو كنت بتسمع حاجة كانت احتفالات بسيطة .خلاص متفقين علي كده


طيب تعالي حبيبي في الله نروح كمان عشرة سنين ان شاء الله ونتخيل اليوم ده هيكون عامل ازاي.تخيلت


طيب تعالي يا اخي نتخيل وضع القابض علي دينه في هذا اليوم .طبعا لن يحتفل بهذه المعصية ولا اريد ان اقول
شيء اكثر من معصيه لماذا لا يحتفل ؟ ليس هذا السؤال الذي اريده وان كانت الاجابه من اهم اصول عقيدة اهل السنه ةالجماعة التي لابد ان يكون عليها كل من يقول أشهد ان لا الله الا الله محمد رسول الله

السؤال الهام: ما رأي الناس في هذا الشخص المحب لربه ودينه ورسوله؟
أكيد احنا متوقعين الوضع شكله ايه خد عندك بقي كلام علي وزن تطرف وتشدد وارهاب ودي مناسبه كل واحد بيعبر فيها عن حبه للي بيحبه؟؟؟؟؟.................................................. الخ؟ متفقين علي كده ولا أيه . ان شاء الله متفقين
شفت بقي اصبح صاحب العقيدة السليمه والفطرة نقية"المسلم" يهاجم بكل الصفات السابقة لأنه لا يحتفل بأعياد كفار علي الرغم من انه منذ سبع سنوات لم يكن هنا لم يكن هناك أحتفال من اي طائفة من طوائف المسلمين بهذا المسمي عيد

أخي العزيز قس علي ما فات كل معصيه وبدعة وصولا للشرك عياذا بالله حدثت في دينناالحنيف وليس عيد الأم والكريسماس وأعياد الميلاد اوالاحتفال بالمولد النبوي وليله الاسراء والمعراج وصولا الي الموالد وما يحدث فيهامن شرك عنا ببعيد. كل هذه المناسبات التي لم ينزل الله بها من سلطان بدأت هكذا الي ان وصلنا الي زمن الغربة التي نعيشة الأن.
وهذا ايضا ما حدث مع كل ما يمت الي عقيدتنا أو هويتنا بصلة كاللحيه او الحجاب الشرعي او الاختلاط ...................................................الخ.
هذة هي النقطة الأولي

النقطة الثانية واعتذر للاطالة

سنفترض ان هناك عيد حب مع ان هذا لا يجوز

سيقول أحد الغلابه وهذه ولله ليس أستهزاء الحب احساس جمبل والواحد ميقدرش يعيش من غير حب
سنقول عندك كل الحق فيماتقول حب ربك ودينك و رسولك صلي الله عليه وسلم والصحابه وأمهات المؤمنين
ووالدتك ووالدك وارحامك واخوتك في الله

سيقول والله بحبهم بس انا أقصدي الحب بين الرجل والمرأة
سنقول له عندك حق بس لازم نتفق علي معني الرجل والمرأة طبعا أنت أقصدك الزوج وزوجته لأن في ديننا مينفعش غير كده ولا انت عندك رأي تاني؟
هيقول اه طبعا متنفعش غير كده
هنقوله احنا كدة اتفقنا مش كده وبس لأ دانا هاقولك اد ايه دينا جميل وعظيم ولا يمكن يحرمك من اي حاجه نفسك فيها طالما حلال مش هما يا عم عملولك يوم حب واحد بس و كمان حرام خد يا عم السنه كلها عيد حب وحلال لأ وبتأخد حسنات كمان أنشاء الله و افرح وانبسط بطاعة ربنا سبحانه وتعالي

والله يا جماعه وانا بكتب الجملة دي افتكرت قول سيدنا جعفربن ابي طالب الي النجاشي نحن قوم ابتعثنا الله
لنخرج العباد من ضيق الدنيا لسعة الدنياوالأخره



جزاكم الله خيرا واعتذر للتطويل وما كان صواب فمن الله وحده ومكان خطأ فمن الشيطان ومني
سبحانك اللهم ربنا وبحمدك اشهد ان لا الله الا أنت أستغفرك واتوب اليك
يجزيك الله خيرا أخي محمد
فأنا أشرف بمشاركتك هذه
و أود أن أضيف جمله واحده
هل يظن أحدكم أبداً و يتخيل أن يحتفل النصاري أو اليهود يوما بعيد الأضحي
أو بعيد الفطر
قطعاً لا....لكن لماذا؟؟
هل لأنها أعياد المسلمين...طبعاً نعم
إذا أليس عيباً أن تعرف ذلك ثم أنت تحتفل بعيدهم..و تعرف أن أصل تسميته ترجع إلي قس إسمه فالنتين
أحبكم جميعا في الله

Monday, February 12

فسينفقونها ....ثم....تكون عليهم حسره

السلام عليكم و رحمه الله و بركاته
و عليكم السلام و رحمه الله و بركاته يا أستاذ...البوست ده من عنوانه شكله كده كله تطرف...براحه شويه يا عم..!!
;) إزيك يا خط يا أحمر...فاهمني غلط دايماً كده....البوست بس ممكن يكون طويل حبتين
إمممم موعدكش إني أخليني معاك للآخر...إحنا في عصر السرعه يا عم..!!
طيب بس إسمع الأول و بلاش الوش الخشب اللي إنت ركبته ده...فكها ..هه...فكها بقه
طيب خلاص...إتفضل أنا سامعك
بسم الله
إنت هتخطب و لا إيه...!
هاها....يا سيدي سيبني أتكلم بقه...و بعدين هو أنا عملت حاجه دا أنا سميت الله ... إنت مش مسلم برده و موحد بالله
طبعا مسلم و موحد طبعاً
طيب...حد عمل مقارنه كده في دماغه بين كم ما ينفق علي الفيديو كليبات و الأفلام السينيمائيه و ما ينفق علي البرامج الدينيه
يييييييه قديييمه قوي
إيه ده مين قالك إننا عايز أقول إن الحكايه قديمه
فعلاً زي ما الأحمر قال كده بالظبط الموضوع مش جديد
الموضوع قديم قوي
من أيام ما بدأ الفرنساويين و الإنجليز محاولاتهم لغزو الدوله العثمانيه
و مخطاطتهم لتفتيت العالم الإسلامي إلي دويلات صغيره
كان هذا العهد هو بدايه السياسه الصليبيه الجديده
سياسه إيه يا عم...
سياسه إتباع سبل الغزو الفكري و التقليل من الغزو العسكري
إزاي يعني
زمان كانت الحملات الصليبيه في أغلبها يسودها الطابع العسكري و فقط
أما في العهد القريب و بعد الثوره الصناعيه في أوروبا أصبح المفهوم مغايراً و أصبح لهدفهم الأوحد و هو القضاء علي الإسلام وسائل أقوي نفعاً و أمضي أثراً من السلاح
إنه الغزو الفكري و الثقافي
تقصد محاوله تغيير العقيده و الأساس الذي ينبني عليه حياه المسلم و بالتالي تصبح السيطره عليه أدوم و أنفع
يا سلام عليك أديك فهمتني أهوه
من أجل هذا الهدف...رصد الغرب الصليبي مليارات الأموال و جند جنوده الثقافيين و جيشهم
و إستعان في ذلك ببعض المسلمين و العرب...الذين منحوا بعثات إلي أوروبا للتعليم و هناك إنبهروا بالحضاره الماديه و تم طمس هويتهم الإسلاميه...و السيطره علي أفكارهم لأنهم هم من سيكونون قاده الغزو في بلادنا بعد ذلك
جميل ... تقصد إن الغزو المره ديه قادته مكنوش لويس التاسع و قلب الأسد و لكن القاده الحقيقيين هم هؤلاء الذين يتم السيطره عليهم
يا أولاد الإيييييييه.....؟!!
بالظبط يا أحمر...و كان شعارهم هو الشعار المعروف
لتهزموا المسلمين يجب أن تخلعوا عن المرأه الحجاب و تغطوا به المصحف
و كان الآداه الفعاله في هذا الصدد...هي أناس مننا نحن
فليس معقولا أن يأتي اللورد كرومر و يدعو النساء إلي ترك الحجاب مثلاً و لكن المطلوب أن يقوم فتي مصري...لامع...لينشئ الفكره...و ينحاز له و يسانده بعض المثقفون اللامعون أيضا
و حبذا إن كانوا من الأبطال الشعبيين ذوي البريق لدي الناس
و ليس واجباً أن يستعجلوا الخطوات...فلم تكن دعوه قاسم أمين مثلاً دعوه علانيه لترك الحجاب...و لكنه علم أنه لكي يطاع....فلابد أن يأمر بما يستطاع
فليس معقولا في مجتمع كله منتقبات....أن تطلب منهم خلع الحجاب
فدعي إلي خلع النقاب و سفور الوجه...و هلم جره...!!؟
و ما نراه الآن من تبرج ما هو إلا حصاد بذره زرعها قاسم أمين منذ ما يزيد علي المائه سنه
طبعا كان له من يقف حوله من رجال لهم صبغه دينيه مثل الشيخ محمد عبده و آخرون لهم صبغه وطنيه مثل سعد زغلول...الذي خلعت زوجته النقاب و دهسته تحت أقدامها...!!!
يااااااه...دول بقه اللي إحنا بناخدهم في التاريخ..!!!
أيوه يا سيدي...المهم من أجل كل هذا دفع الغرب و لا يزال يدفع كل ما يستطيع و يجيش الجيوش الإعلاميه من أجل نقل ثقافه العري و الإباحيه إلينا
آااااه أنا معاك
تمام مثل ما يفعله الشيعه الروافض من دعم مادي و معداتي لحزب اللات في لبنان و فيلق غدر و جيش مقتدي في العراق...و ما يقدمونه من مساندات لمن يؤازرون نشر المذهب الشيعي في كل البلدان و خاصه في مصر و دول الخليج
أيضا الحركات الليبراليه في المجتمع المصري و الإسلامي يجيشون كل ما يستطيعون من برامج تليفزيونيه و حوارات و جرائد و صحف..كل ما يستطيعون...!!!
إنت عايز بقه تربط بين كل أعداء الإسلام و من ينتمون إلي إتجاهات تتسم بالعالمانيه مثلاً و تقول إن سياستهم واحده
بالظبط ...و كمان عايز أقول بقه حاجه و اللي هيه موضوع البوست
إن ظاهره إنتشار الإلتزام في الآونه الأخيره هي ما يضج مضاجع هؤلاء...هو ما يقلقهم...و يخرجهم عن شعورهم
لقد أنفقوا المال الوفير و الجهد الكثير و لذلك تجد البعض قلق إزاء ظهور الشيوخ في قنوات التليفزيون و ظهور قنوات فضائيه ذات منهج ديني واضح يتسم بالقوه و البيان مثل قناتي الناس و الحكمه و تجد البعض ينتقدهم في حين لم يحرك قلمه يمناً و لا يسراً ضد قنوات من نوعيه ميلودي أومزيكا
ثم و بعد كل ذلك لم يتحقق إلا قول ربي
إيه يا عم إنت كده ممكن حد يقول إنك بتكفر الناس
أعتقد إن كلامي واضح و محدش بيقول الكلمتين دول إلا الناس اللي بتلكك
و بيحاولوا يتصيدوا الأخطاء
الكلام كل مفاده إن كل الفئات اللي بتنفق مواردها الماديه للعمل بمناهج بعيده عن الدين .... إنقلبت أموالهم هذه عليهم حسره
فها هي زهرات الإلتزام تنمو علي غصون الدين
و ها أنا أرنوا ببصري بين زهر و رياحين
و غدونا نري بساتين إسلامنا تزهر من جديد
علي أيدي شباب يقدمون للأعداء أشد الوعيد
بقرآننا و سنه نبينا نحلم بيوم عيد
نعم إنها الحقيقه....حقيقه أن بعدما وصل الأمر إلي تعذر رؤيه إمرأه محجبه في الشارع...إمرأه تستر شعرها فقط إبان الستينيات...أصبح اليوم النقاب...هذا الرداء البهي
رداء العفه الأسود التقي
أصبح هذا المظهر مألوفاً في واقعنا
أصبحت اللحيه مظهرا حياتياً يوميا لا نستغربه و لا نستنكره
بل و أبتهج شخصيا عندما أري لحيه جميله تجر نقابا ثرياً في محتواه الأخلاقي
أبتهج حقيقه..و أقول القول المأثور
ياااااااااااله من دين لو أن له رجال
رغم ما أنفقوه لمحو الشريعه من رؤوس العوام
إلا أنه بمجئ رمضان من كل عام
تذهب أعمالهم حسرات
نهايه أؤكد لكم
فسينفقونها...ثم تكون عليهم...!!
حسره

Sunday, February 11

أنا حي.....طب عايش لإيه...!!!!؟

السلام عليكم أحبتي و رحمه الله و بركاته
بعد ما كتبت بوست (أنا حي) و حصلت حبه حاجات كده....سألت نفسي....طيب أنا عايش ليه...!!؟؟
ههههه....ليه..؟؟
إتفلسف علينا يا عم براحتك....سمعني...ليه..!!؟؟
طيب يا خط يا أحمر هستحمل غلاستك و هكمل
الحكايه يا سيدي جاتني نتيجه المدونات و اللي بشوفوا فيها و خصوصا بعض المدونات التي تتسم بإتجاهاتها الليربراليه
عندك ... إستني.... ليبراليه إيه يا عم ... كلمني بالهجايص
ليبراليه ديه يعني بالبلدي كده ثقافه الحريات ... يعني كل واحد حر في إنتماءاته و إعتقاداته و أي حاجه..!!!؟؟
ده بإختصار طبعاً
المهم يا سيدي الفاضل .. الناس بتوع الحريات دول تجدهم في أي حته طالعين كده...تسأل عايزين إيه يا عم ...يقولك عايزين الحريه
عايشين ليها يعني...بهائيين يقولك حريه...ملحدين...يقولك حريه...وزير الصفاقه يقولك حريه...شيعه برده حريه
و فيهم حاجه كويسه
إيه..؟؟
إنك تحس إن عندهم حاجه عايشينلها...هي ديدنهم اللي بيرددوه ليل نهاااار
الحريه
طيب لما هما عاجبينك أمال في إيه بقه..!؟؟؟
لا مين قال إنهم عاجبيني...!!! أنا قلت في حاجه حلوه
إنهم عايشين لشئ ....بس المشكله هل الشئ ده كويس...؟؟
بمعني...!!!؟
بمعني...أنا بحس بصراحه إن الناس ديه عامله زي الطفل الصغير اللي ضحكوا عليه ببزازه...فقعد يعيط علي البزازه و نسي أمه...مع إن الأم هي الأساس
بس هو بقه أصبح شايف إن البزازه هي اللي بتشبعه..!!!
إممممم معاك ...معاك ....كمل كمل
ماشي يا جميل إنت ....آااااه لو تفضل كده علي طول...المهم
بص يا سيدي...هسألك سؤال مهم قوي
هل أنت حر.....!!!!؟
طبعاً...!!
لأ غلط
إيه.....إظبط يا عم الأستاذ...انت هتغلط و لا إيه..!؟؟؟؟؟؟
لا ... بس فعلاً إنت مش حر
إنت عبد
عبد لله
يأمرك و ينهاك
صح و لا لأ..!!؟؟
أكيد طبعا....بس..!!!
من غير بس...سيبني أكمل
يعني إنت في الدنيا ديه مبتتصرفش بمزاجك و لا علي كيفك...إنت بتتصرف بحريه في المساحات التي أتاح الله فيها الحريه...و تنتهي بنواهي الله و تأتمر بأوامره...ليه
لأنه الذي خلقك ... فسواك فعدلك و هو سبحانه أعلم بما يصلح حياتك
ماشي يا سيدي متفقين..!!
جميل نيجي بقه لنقطه مهمه
المساحات التي أتاح فيها الله سبحانه و تعالي الحريه وفقا للإختلافات الشخصيه هل أنا حر أن أفعل فيها ما أشاء
لا....أنت حر أن تفعل ما تريد في ما تحسنه فقط و بما يصلح و لا يفسد
يعني إيه دي كمان يا أستاذنا..!!!!؟؟
يعني مسنفعش دكتور يقولي أنا حر أصمم عماره...مثلاً
لكن ينفع مهندس يبتكر طريقه جديده لبناء العماره توافق ما تعلمه و بناء علي دراسات تجريبيه مسبقه..!
آاااه كده فهمت..كمل..!!
كده موضوع الحريه أصبح واضح أعتقد ... بمعني أنه إذا تعرضت لأمر ما سواء ديني أو دنيوي فعلي أولا أن أعرف هل أمرني ربي بشئ في هذا الموقف بالتحديد
ثم بعد أن أعلم موقف الشرع أبني رد فعلي بناء علي ذلك
أظن يعني إن الدين يسر مش عسر...فمتعقدهاااش أحسن يقولوا عليك متطرف أو متعصب..؟؟
خايف عليه إنت هااااا..!
طيب إنت مش عارف إن الله قال ( و ما خلقت الجن و الإنس إلا ليعبدون)
فكيف تكون عبادته و أنت تجلس علي الإنترنت مثلا...!!!
تكون عبادته أولا بألا تفعل ما نهاك عنه عن طريق النت و تعرف ما يجوز و ما لا يجوز
ثم أن تبتغي بهذا العمل وجه الله تعالي فتنوي به نصره الدين أو النصح للمسلمين أو التعلم و المطالعه
ماشي ديه واضحه..
و بالمثل في كل شئ.....يبقي ده بقه مش تعصب...ده دين و حياه كامله تحياها لله رب العالمين
و بعدين بالنسبه لكلمه التعصب فيها مشكلتين
أولا: إنها كلمه نسبيه جداً فمثلا عمرو دياب ممكن يقول علي عمرو خالد متعصب...و عمرو خالد مثلا ممكن يقول علي فلان إنه متعصب
ثانيا: و هي مبنيه علي أولا إن ما دامت نسبيه هكذا فلازم يكون فيه مرجع نرجعله...و هو كتاب الله و سنه نبيه صلي الله عليه و سلم...فطالما ثبت الأمر في سنه النبي صلي الله عليه و سلم أصبح من غير الجائز أن نقول عليه تعصباً
لأن وصف الشئ بصفه يستلزم إلحاقها بفاعل الشئ
و رسول الله ليس أبداً متعصباً صلوات ربي و سلامه عليه
و حاش لله أن يكون دينه و شرعه شرع تعصب...!!!
ثم أن التعصب ربما يكون محموداً إذا كان لشرع الله و سنه نبيه...ده في ناس بتفخر و هي بتقول أنا أهلاوي متعصب
فسبحان الله أليس دين الله أولي بأن تكون لدينا حميه عليه
و لكنها حميه و عصبيه منضبطه بضوابط الشرع و كما علمنا نبينا (ص) و ليست عصبيه جاهليه
فهمت بقه فهمت......كمل موضوع الحريات و الناس بتوع الحريات..!!!؟
طيب...أنا عايز بقه بعد ما وضحنا علي قد حالنا مفهوم الحريه أقول حاجه
أيهم أحق أن أدافع و أناضل عنه....شرع ربي الذي أنعم علي و خلقني
أم الحريات التي في كثير من الأحيان تكون في مواضع لا يرضاها الله تعالي
إزاااي يعني..!!؟
أنا فاكر مره أيام موضوع غفير الصفاقه (فاروق حسني) واحد من بتوع الحريات كانت بتهاجم الوزير
و قالت ما معناه: أنا مبهاجمش الوزير عشان الحجاب فرض و لا لأ...أنا مليش دعوه...لكن أنا بهاجمه عشان الحريه
كل واحد حر في لبسه..!!!
سبحان الله...هذه الحريه و إسمحولي العفنه التي دفعتك دفعا للنيل من الوزير بمقالاتك أهي أشرف قدراً من دين الله حتي تثوري له
أهي أعلي منزله عندك من حرمه دين الله
و حرمه المؤمن التي هي عند الله أكبر من حرمه البيت الحرام
بس متكبرش الحكايه جايز مش فاهمه و لا حتي...مش عارفه في الدين..!!؟
أولا أنا أعلم إنها فاهمه و فاهمه كويس كمان
ثانيا : حتي لو مش فاهمه ... ديه تبقي مصيبه أكبر
لأنها كده أولا فتنه لكل مفتون....بتتكلم في اللي هي مش فاهماه و كأنها فاهماه
و بعدين دي واحده ممكن كتير يقرولها...عشان كده قلنا الحريه أن تفعل ما تشاء بإحسان فيما تحسن و تفهم
الحاجه التانيه اللي عايز أقولها...
هو مثلا الدفاع عن حريه الأقباط....هل سيوفرون هم للأقباط ما حرمهم منه الله
هل هم أعدل من الله
إذا كانت الإجابه بلااااااا طبعا
إذن فليس هناك من هو أعدل من رب العالمين
فلنطبق شرع الله
فتكون لنا جميعا الحريه المبتغاه
و عشان كده كنت بسأل...طالما إني عندي فرصه في الحياه
ليه مش كل واحد فينا عنده هدف بيعيشله كده
ليه الناس اللي عندهم أهداف باطله و فيها وجهات غير صحيحه دؤوبين في عملهم كده و أهل الحق مقصرين
ليه مش عايش و ليلي و نهاري بعمل من أجل إعلاء كلمه الله
أذكر كلمه معجزه لهدي شعراوي: قالت مفتخره بأنها كانت أول من إرتدي الشورت في الجامعه قالت...و كانوا ينقدونني و كنت أصبر عليه
يااااااااااااااااااااه بتقول و كنت أصبر عليه
تصبر علي إيه ديه .... علي لبس الشورت في الجامعه...علي باطل
و أهل الحق...يااااه علي أهل الحق في زماننا ده...نفسهم قصير قوي
الأقصي بيصرخ حد إتحرك
الأقصي بينادي حد إتهز
نعيب زماننا و العيب فينا
و ما لزماننا عيب سوانا
إختر لنفسك
ما تعيش له
و يجعله يارب إن شاء الله
عقلكوا و عقلي طبعاً