Wednesday, January 17

أنتي مين....؟

انتي مين أيتها المسلمه....؟
هل سألتي نفسك السؤال ده قبل كده
اللي ولع السؤال ده في رأسي الكلام الكتير عن حقوق المرأه اللي داير هنا و هناك
و سألت نفسي يعني الناس ديه هي اللي هتجيب حق المرأه اللي ربنا ام يعطيه لها...!؟
مهو هو ده معناها لما يقولوا إن الإسلام ظلم المرأه...يعني حاش لله ...مش عارف بقه حاش لله أن يظلم أحد و هو الحكم العدل
طيب أمال إيه الحكايه....الحكايه ان البنات المسلمه مش عارفه هي مين...؟
ايوه...و انا سألت نفسي السؤال ده....انتي مين.....؟
انتي.....إنتي أمي...اليي حضنتني لما كنت صغير
أيو أمي اللي أرضعتني لما كنت صغير
هيه أمي ...إستحملتني لما كان محدش بيتحمل صراخي
أمي اللي سهرت علي راحتي...
طيب من غيرك كنت هعمل ايه
بحبك يا أمي
إنتي ...مين...؟
إنتي أختي....؟
أختي اللي أقرب ليه مني
أختي صحيح ممكن أكون مبينتش ليكي إنك حته مني
لكن بتوحشيني قوي لما بتبعدي عني
أختي البريئه اللي بشوفها أجمل بنوته في الدنيا
بحبك يا أختي
و إنتي .....مين..؟
إنتي أخت صاحبي أو جارتي أو زميله محترمه معايا في الجامعه..؟
أخاف عليكي بعمري
أحمي شرفك بعمري
أصون عرضك بدمي
مجرحكيش بنظره وحشه و لا أحب انك تسمعي كلمه سافله
ده انتي عندي زي أختي
عشان النبي صلي الله عليه و سلم وصاني بيكي
عشان ديني أمرني إني
أغض بصري عنك لأني مرضاش لأختي ف إزاي أرضاها لأخت مسلم زيي
طيب و إنتي بقه....مين؟
إنت فتاه الإسلام غريبه عني...تمشي في الشارع قريباً مني
تاج الكرامه علي رأسك يعني
حجابك غطاكي يحميكي مني
لو أنا فاسد إنتي مصونه
حجابك طبعا هيقيدني
انت الكريمه ماشيه عفيفه
انت برده أختي
و اللي هناك ديه ....إنتي....أيوه إنتي.....إنتي مين..؟؟
إنتي مسلمه....في حجابك مهمله
سواء لابسه حجاب ضيق أو مش لابسه أصلاً
إنتي جزء من أمتي....يعني برده حته مني
إنتي غاليه قوي لأنك بحجابك تنصري دين ربنا و تردي كيد العدا
إنتي بس اللي مش واخده بالك لكن في يوم هتيجي لربنا و تحني
إنتي غاليه قوي عندنا بس آه لو عن المعاصي تتأني
و ترجعي لله و توبي و إطمأني
مكانك في قلوبنا و بينا محفوظ...إنتي كمان أختي
تعالي يا أختي
و الغاليه ديه ....عارفين مين...؟؟
أصل أنا عارفها .... و محدش منكوا أبدا بيشوفها
ديه زوجتي
ملكه بيتي
جزء منها أنا و هي جزء مني
فراشه جميله بين زهور عمري بتغني
حمامه رقيقه علي جناحها بتحملني
لأحلام بعيده بتقربها مني
زوجتي.....حبيبتي.....فتاتي الجميله
بها أعرف نفسي أعرف قربي من ربي
إن رضت فقد أرضاها الله عني
و إن حدث و إختلفنا فبعصياني سخطت مني
كذلك كان السلف يعلم رضا الله عنه في خلق زوجته معه
إذن هل علمتي الآن من أنتي
هل فهمتي أنك كل دنيانا
هل عرفتي قدرك يا فتاه الإسلامَ
أمي و أختي و زوجتي و من أحمل همها بالتمني..أن ترجع لله الكريم و تحمل هم أمتي و همي
أياً من كنتي من هذه الصنوف التي ذكرتها
أحبك في الله حبا صادقا
فتاه الإسلام أنت الفتاه
و غيرك من الفتيات قد ضل و تاه
فتاه الإسلام بدينك عزي و إفخري
و لا تفعلي مثلهن و تمشين تتبختري
فتاه الإسلام أنت للدين أمنٌ
إن إلتزمتي حجابك فأنتي لنا و بك يكون لنا عزٌ
و إن لم تلتزمي فإنت أخت و لكنك تمسكين المعول تهدمين دينك و ديننا
في النهايه سلم من الله عليك و رحمه و بركاتٌ منه سبحانه و تعالي

4 comments:

المسلم said...

و بعدين إنت إيه اللي جايبك هنا

كــــــازنــوفــا said...

أنت بتعلق عند نفسك
على فكره أنا كل ماشوف تعليق زباله فى مدونه يطلع بتاعك
مش عارف أنت دماغك فيها أيه
وليه بتغالط نفسك
نازل فى كتابة بوستات وتعليقات ما أنزل الله بها من سلطان
وتدعى أنك من أهل الجنه
و تهاجم الأخرين بأسلوب الردح
أيوه أنت رداح
نصيحه منى توقف عن القراءه والكتابه
وأجلس مع نفسك وفكر مليآ
فربما حولك التفكير الى أنسان عاقل

khaled said...

ايه يا عم الكلام ده هو الراجل قال حاجة؟
نقعد نعلى صوتنا و خلاص علشان ايه؟ و ايه السبب؟ اللى عايز يتناقش يقول هو بيتناقش ليه انما نقعد نشتم ماينفعش
ما هو اسهل حاجة عندنا الشتيمة و الصوت العالى
وضح انت عايز تقول ايه؟
و كلام الراجل كلام جميل قوى ما فيهوش حاجة غلط و انا بحييه عليه

أهل الجنه said...

جزاك الله خيراً يا خالد

و برده يا كازانوفا أنا مش هرد عيك

لو إنت متعود تدخل في مدونات بيتكلموا فيها الكلام ده فأحب أقولك إن هنا مدونه محترمه

علي الأقل في نظر صاحبها

و لو مش عاجباك يا سيدي معلش المدونات كتير و مش لازم تيجي هنا

لكن انت مُرحب بيك في أي وقت