Monday, January 29

خط أزرق و خط أحمر

السلام عليكم و رحمه الله و بركاته

أول حاجه شوفتوا أنا بدأت البوست بأيه....بالسلام اللي هو إيه تحيه الإسلام

طب و ده فيه ايه يعني

فيه كتير طبعا

طب ليه

لأن أغلب المدونات و أشهرها...و اللي بيقولوا انها جامده جدا و حاجات من ديه مفيش واحدها فيهم لقيت فيها موضوع ابتدي بتحيه الإسلام

مش عارف ليه....هي الحريات اللي بيتكلموا عنها فيها ما يمنع انهم يبدأو مواضيعهم بالتحيه؟؟؟

ييييه انت شكلك كده متعصب و هتزهقنا...؟

لا و الله يا سيدي بس ديه حاجه صغيره من ضمن الحاجات

طيب في إيه تاني سمعنا.... ;)

معظم المدونات ملهاش كلام إلا عن الريس و ظلم الريس و إستبداد الريس....كأن مشكله حياتنا هي الريس

آه ده انت هتتفلسف بقه

يا سيدي سيبني أتكلم زي ما هما بيتكلموا

هو قبل الريس....كان في مين مخلينا ورااااا

ريس غيره....

طب و قبله

ريس تاني

يبقي الإستنتاج المنطقي إن بعده هيجي واحد تاني...و خلي بالكوا

الريس دلوقتي اتجاهاته غير اللي كان قبله يعني ده ديموقراطي و اللي قبله كان رأسمالي إنفتاحي و اللي قبله كان إشتراكي و اللي جاي ممكن يكون ليبرالي....؟؟

عايز تقول ايه خلصنا

عايز أقول يعني إن بصراحه كده كل واحد فينا و حتي انا جواه هذا المستبد موجود و عايش معاه

لاااااا ...ده انت بتخرف

بس إستني ..... هثبتلك...؟؟

إثبت سمعني....قول و اتحفني

شوف يا سيدي أبسط مثال المدونيين دول بتوع الحريات

مالهم ...فيهم ايه دول

هقولك

بص كده لما بيعملوا أي بوست و حد يدخل ينتقدهم و يرد عليهم و يبين ان كلامهم أو وجهه نظرهم غلط بيعملوا ايه

ايه

بيردوا بمنتهي العنف....و مبيرجعوش عن اللي هم مقتنعين بيه...و حتي مبيردوش علي الدليل بالدليل

و ممكن يتطور الموضوع و يستخدموا ضدك زرار السحل قصدي المسح النووي و يمارسوا عليك القمع الفكري

و ساعات يوصوا حد من طرفهم يدخل يهاجمك و ممكن يشتمك كمان

تمام زي بلطجيه الإنتخابات

كل ده و المدونين دول كل اللي في إيديهم هي زراير الكي بورد اللي بيحركوا عليها أناملهم الضعيفه

طيب ما بالك بقه لما يكون المدونين دول تحت إيدهم جهاز أمني بجحافله دي كلها هيعملوا ايه بقه في اللي يعارضهم

أممممم

طبعا هيسحلوه و يخلوه يبص علي الشمس في عز الظهر و يقول انها عطارد...!!!؟

طبعا الكلام ده ممكن ميبقاش علي هواااا الكثيرين

اممممم

سكت ليه طيب هقولك علي حاجه تانيه

أظن إن أحسن منقعد ليل نهار نتكلم علي الريس و ظلم اللريس....إنت مش شايف إن إحنا عندنا في مجتمعنا مشاكل كتير غير الريس

يعني مثلا تعاملنا مع بعض و النفسنه اللي بين الناس و بعضها و قله الأخلاق .... هو ده برده الريس اللي عمله

قصدك ايه يعني

قصدي إن في حاجات تانيه و مظاهر كتيره في مجتمعنا تستاهل إننا نتكلم عنها و نحاول من خلال شبابيك المدونات إنن ننشرها علي حبال الفكر الحر في المجتمع

طيب انت بالله عليك مش شايف قد ايه شبابنا هايف
يا سيدي ده تسعين في الميه من شبابنا الفطاحل بيشربوا لا مؤاخذه مخدرات

و مقضيين نص وقتهم يغيروا نغمات المحمول

طيب بالله عليك مسمعتش عن نفخ العضلات بالسيليكون زي لامؤاخذه نفخ ال....

كنا بنتريق علي البنات اللي بيقعدوا نص اليوم قدام المرايه يسبسبوا شعرهم دلوقتي الرجاله الفطاحل بيقضوا يومهم كله يظبط في الشعرايه اللي واقفه في جنب راسه و يليطها بالجل

هم دول الرجاله اللي هيشيلوا البلد و الأمه

بصراحه كلامك صح

شفت بقه ان العيب فينا زي ما بقلك و قبل ما نقول الريس المفروض كل واحد يبص علي نفسه و يسألها

هل هو فعلا بني آدم محترم

يعني تخلص من سلبيات حياته و ارتقي علي شهواته و أطاع ربه و نفذ شرعه

كفايه كده النهارده

و يجعله عامر

Sunday, January 21

رغم أنف الكل ... فقد مات بطلاً

بين حقيرٍ متهلل لموته وحزين متأمل في قتله....صدام حسين مات بطلاً
و الله إنها لآيه


بعد موته أو قل إن شئت إغتياله...تعددت الإنفعالات بين شامت حقير متلهف لموته و بين متأمل حزين معتبراً من قصته و بين لاهيٍ بائس لم يخرج من القصه بعبره

فالأول و أكثرهم من الشيعه المحترقه أو ممن ألهتهم العالمانيه الدوليه فأصبحوا يقيسون الأمور بمقياس الغرب النتن و مقاييس الماديه الغربيه التي في إعتقادي باتت باليه لا تنفع من يحاول الإنتفاع بها، حتي أن أحدهم أخذ يعدد مساويئ صدام حسين فقال أنه قاتل إيران المسلمه...أليس ذلك بجهل مطبق بأطراف اللعبه العالميه الآن..نعم هو جهل واضح بين فكلمه إيران المسلمه هي أبعد ما يكون الوصف إذا أردت أن تصف إيران فلو شئت قل إيران الصفويه أو الرافضيه أو الشيعيه المحترقه أو حتي المجوسيه أما أن تقول مسلمه فتساوي بينها و بين السعوديه أو مصر مثلا فهذا و الله هو الجهل بعينه ليس جهلا فقط علي الصعيد الديني فحسب و لكنه في الوقت ذاته جهلا بمفاتيح اللعبه السياسيه التي يجري تنسيقها في المنطقه؛ فلقد إلتقت علي أرض العرب أهداف الثلاثه أطراف...الطرف الصليبي متمثلا في الأمريكان بخاصه و الغرب الأوروبي بصفه عامه و الذي أحد أهدافه الأولي السيطره علي النفط الخليجي لضمان حصته منه و ثم هو يريد له و لشريكه اليهودي ضمان الإقلال من تأثير المذهب السني و إن شئت السلفي بخاصه و الذي يخشي الأمريكان أيما خشيه من إنتشاره؛ و هنا يجدوا الشريك الثالث الدوله الصفويه التي لطالما وقف لها صدام حسين بالمرصاد فالصفويين الشيعه مجوسيوا الأصل يحلمون بدولتهم الشيعيه التي تمتد في شبه جزيره العرب؛ إذن فمبدأ (شيلني و أشيلك) يمكن إستخدامه هنا...يأخذ الشيعه البلد بما فيها فيذبحون السنه من أهلها و ينشرون المذهب الشيعي الذي و للأسف علم الصليبيون و اليهود أنه ليس الدين الذي ينتصر به المسلمون عليهم و لذلك تجد التحالف واضح بينهم لمن عنده قلب أو حتي ألقي السمع بقدر يسير من الإهتمام و التدقيق. و لكن للأسف أدرك ذلك اليهود و النصاري و لم يدركه أناس ها هنا من بني جلدتنا أخذوا يدافعون عن الشيعه و لا حول و لا قوه إلا بالله.

إذن فهؤلاء الشامتون بموت صدام لم ينالهم لو أنهم فقهوا إلا صيحاتهم التي صاحوها عند موته بينما باغتهم هو و أقول باغتهم بالنطق بالشهاده لأنك لو رأيت أحداث الإعدام لعلمت أن قاتل صدام أراد في المره الثانيه قتله قبل أن يتم الشهاده و لكن هيهات فقد قالها الرجل ليس مره واحده و إنما إثنتان لتصبح هذه الشهاده سببا لأحب الرجل في الله و كيف لا و قد مات علي الإسلام و و الله إني لأرجو له الجنه

من الشامتون أيضا من هم ليسوا من الشيعه و لا من المتعلمنين المتغرببين و إنما هما طرف ثالث لا له في الطور و لا له في الطحين..أناس بسطاء صاروا بفعل تصديقهم لإعلامنا القومي المستبد أو حتي الإعلام الخاص ذو الصبغه الليبراليه العفنه صاروا جهالاً بلهاء فصدقوا روايات أمريكا و الشيعه عن الطاغيه المستبد و منهم من يري أن صدام هو سبب الخراب و الدمار الذي تعم فيه الأمه الإسلاميه برمتها و سبحان من وهب لكل إنسان عقل و وهب لبعضهم فقط و فاوت بينهم في قدره الفهم فإذا كان صدام هو سبب النكبات فها قد مات فأين مغاوير الإصلاح و هل نادي منهم أحدا حي علي الفلاح
...!

و الثاني ممن هو متأمل حزين معتبراً من قصته أعتقد أنهم هم من أفلح و أنجح...فهم متأملون للواقع يدرسون الأحداث يستنبطون منها ما هو آتٍ و لا يغرهم ضجه الحدث التي تصحبه عبر منابر إعلاميه قد بان لنا أن الهدف منها و إضلالنا..، و يخالطهم الحزن نعم و لكن علي حال الأمه علي ما يفعله الشيعه في أهل السنه و نحن هنا نيام؛ علي تقطيع الدول إلي دويلات عبر الفتن و الشتات، حزينون علي حال المسلمون و لكنه حزن إستبشار و يقين في الله حزن علي واقع مؤلم و ثقه في نصر مقبل تماماً كحزن يعقوب عليه السلام علي ولديه حين أنبأ أولاده أنه يعلم من الله ما لا يعلمون..! فالثقه في الله سبحانه هي باعثنا علي العمل فاللهم عجل بنصرك و وعدك بنصر دينك الذي إكتمل. و هم أيضا معتبرين من قصه صدام بكل ما فيها من طغيان و ذل و إستكبار و مهانه من نهايته التي أراها أنا نهايه مشرفه لن يحلم بها أي من الطواغيط الذين يحكموننا فمبارك مثلا لا يحلم أن يموت و جموع شعبه تنادي بإسمه و هو ينطق الشهاده لا يحلم بأقصي من ذلك و لو قدر الله و مات و هو مكانه علي نفس حاله الآن فلا أعتقد أن نسبه من سيحزنون عليه و يفتقدونه تتجاوز الواحد من عشره بالمائه تماما عكس نسبه إنتخاباته التي طالما زورها

مات صدام و هو في نظري رجل سلب كل ما كان يملك و أصبح بجسده فقط رمزا لرجل يقاوم الإحتلال الرافضي الصليبي...مات و هو ينطق الشهاده و أنعم بها من كلمات
مات و هو مكشوف الوجه في حين غطي قاتليه وجوههم و لم يجرؤوا علي كشفها مات و هو في كبرياؤه متعاليا علي ذل الروافض اللئام؛ لا أنكر أنا أن الرجل كان له كثير من الذلات لكني أحكم بما عليه فاضت روحه و مات؛ دلت المصادر علي أنه كان يعكف في آخر عمره علي قراءه القرآن و الصلوت فوالله إني أحتسب أنه بالشهاده تفوه قبل موته و هي منزله لا ينالها كثيرون، فكثيرٌ ما نسمع عن رجل حاول من حوله تلقينه الشهاده إلا أنه يرفض نطقها و يموت فنعم ما فيه صدام من نعمه بهذه النهايه

الطرف الثالث و أكثرنا منه....أناس لاهيه مازالت في وسط هذا كله يتابعون نانسي و نورهان و يعيشون في التوهان اللهم تب علي عصاه المسلمين يارب العالمين

بقيت جزئيه وحيده ألا و هي أن موت صدام كشف للكثيرين ممن كانوا يدافعون عن الشيعه وجه الشيعه الحقيقي بل و رد لهم صوابهم فأعلنوا صراحه أن هؤلاء القوم قوم لا يرضي عن أفعالهم عاقل و لا يؤمن بعقيدتهم مؤمن و منهم أحد الأخوه في مجموعه أهل الجنه البريديه الذي سعدت أيما سعاده عندما قال تلك الكلمات فلا أحد يدري من أين تأتي النصره فإن الله لينصر هذا الدين بالرجل الفاجر و بأناس لا خلاق لهم

جزاكم الله خيرا
و السلام عليكم و رحمه الله و بركاته

Friday, January 19

تأملات ....!!!!!!؟

وَعَدَ اللَّهُ الَّذِينَ آمَنُوا مِنْكُمْ وَعَمِلُوا الصَّالِحَاتِ لَيَسْتَخْلِفَنَّهُمْ فِي الأَرْضِ كَمَا اسْتَخْلَفَ الَّذِينَ مِنْ قَبْلِهِمْ وَلَيُمَكِّنَنَّ لَهُمْ دِينَهُمُ الَّذِي ارْتَضَى لَهُمْ وَلَيُبَدِّلَنَّهُمْ مِنْ بَعْدِ خَوْفِهِمْ أَمْنًا يَعْبُدُونَنِي لا يُشْرِكُونَ بِي شَيْئًا وَمَنْ كَفَرَ بَعْدَ ذَلِكَ فَأُولَئِكَ هُمُ الْفَاسِقُونَ

أرجوك قبل قراءه هذا المقال إقرأ الآيه السابقه التي صدرت بها هذا المقال، إقرأها جيدا و أمعن فيها عقلك...!

هل وصلك شئ بعد التدقيق في الآيه...!!؟
هل إطمأننت و علمت أن العاقبه للمؤمنين
و هل رأيت رأفه الله بك إذ أنت أيها الملتزم بشرع الله المتمسك به تنهال عليك كل الدنيا تريد أن تثنيك عن سنه نبيك و عن دين ربك و أنت تقف موقف الثابت علي الحق...فيخاطبك ربك و هو سبحانه أعلم بحالك و يقول وَعَدَ اللَّهُ الَّذِينَ آمَنُوا ...ياااااه أبعد هذه الكلمات كلماتُ....أم بعد هذا الوعد خوف...ّ إطمئن أخي فربك يري صنيعك و سيجزيك به خير الجزاء فإصبر و إحتسب
فكن علي ثغر الإسلام خير مجاهدُ فالله ربك و نبيك أحمد

ثم أنت يا أخي يا من تفرط في بعض الطاعات و السنن بدعوي مصلحه الدعوه إلي الله....هل بعد وعد الله خوف..؟؟
هل يعقل أنك ستكون أحرص علي دين الله من الله..!!!
هل أنت علي دين الله أخوف من نبي الله صلي الله عليه و سلم

لا أشكك أبداً في نيتك و لكني أنبهك أن نصر دين الله الحقيقي هو في الإلتزام بكل ما جاء به النبي صلي الله عليه و سلم و عدم التفريط فيه
و أنت يا من تفرط في دين الله و يغرك المغترون بالجاه و المال و النساء...هذا ربك يعدك بالنصر و الأمن و العزه إن تمسكت بدينه و لزمت سنه النبي صلي الله عليه و سلم...فهل لك من رجعه...و هل لك من نظره...تنظر فيها إلي حالك و تتأمل مآلك إلي الله....!؟

مررت اليوم علي هذه الآيه و هي من الآيات التي تؤثر في تأثيرا جميلا و أشعر لها بحلاوه كبيره فما أجمل أن تجد سيدك يمدك بالعون و يعدك بالنصر فيما أنت مستضعف فيزداد في قلبك اليقين بالنصر و تزداد أنت ثباتاً علي الأمر

فيا أهل الإسلام....يا أهل سنه النبي محمد صلي الله عليه و سلم...يا أتباع النبي...يا أحفاد أبي بكر و عمر و عثمان و علي و خالد و الزبير و أبي ذر و صهيب و سلمان و مصعب و حذيفه...!!

هؤلاء أجدادكم.... أسماء ... كل واحد منها يحتاج لصفحات...أسماء عانقت سحب السماء فخراً و عزهً

أسماء يالها من رجال...فأين رجال هذا العصر..!!

منذ أيام قلائل كانت ذكري إستشهاد أمير المؤمني الفاروق عُمر بن الخطاب علي يد المجوسي أبو لؤلؤه والذي يتخذه البعض من من يُطلق عليهم أنهم مسلمون إماماً لهم بل و يبنون له تمثالا ليزوروه و يتبركوا به

من منا تذكر عُمر...و أراد أن يكون هو عُمر هذا العصر

عُمر لم يكن يسمع الأغاني و يتمايل و يتسكع علي النغمات في الشوارع

فإن أردت أن تكون أنت عُمر...فكن عُمر

عُمر لم يكن يواعد الفتيات و يراسلهن

فإن كنت حقا تريد أن تكون عُمر ... فكن عُمر

عمر كان يقول.. كنا أذل قومٍ فأعزنا الله بالإسلام فمهما إبتغينا العزه في غيره أذلنا الله

فهذا هو عمر....فكن يا أخي مثل عُمر رضي الله عنه

كان أكبر هم عمر بن الخطاب رضي الله عنه و هو يصارع سكرات الموت أن يدفن بجوار صاحبيه

نبيك صلي الله عليه و سلم و جدك و خليفه نبيك أبي بكر رضي الله عنه

هل راودتك نفس الرغبه في أن تلقي نبيك صلي الله عليه و سلم و تحادث أبي بكر رضي الله عنه بهذا الكيف

رجل يصارع آلام الموت...و كل همه أن يدفن بجوار النبي صلي الله عليه و سلم

يا ألمي حين أري واقعي انا شخصيا و أحوال الشباب من حولي

أبكي لحالي .... فأنا لا أصلح أن أكون مثل عُمر و لا أري أمامي من همه أن يكون عمراً جديدا لهذه الأمه

فأين عُمر...!!؟

أسألكم الدعاء

أحبكم في الله

Wednesday, January 17

أنتي مين....؟

انتي مين أيتها المسلمه....؟
هل سألتي نفسك السؤال ده قبل كده
اللي ولع السؤال ده في رأسي الكلام الكتير عن حقوق المرأه اللي داير هنا و هناك
و سألت نفسي يعني الناس ديه هي اللي هتجيب حق المرأه اللي ربنا ام يعطيه لها...!؟
مهو هو ده معناها لما يقولوا إن الإسلام ظلم المرأه...يعني حاش لله ...مش عارف بقه حاش لله أن يظلم أحد و هو الحكم العدل
طيب أمال إيه الحكايه....الحكايه ان البنات المسلمه مش عارفه هي مين...؟
ايوه...و انا سألت نفسي السؤال ده....انتي مين.....؟
انتي.....إنتي أمي...اليي حضنتني لما كنت صغير
أيو أمي اللي أرضعتني لما كنت صغير
هيه أمي ...إستحملتني لما كان محدش بيتحمل صراخي
أمي اللي سهرت علي راحتي...
طيب من غيرك كنت هعمل ايه
بحبك يا أمي
إنتي ...مين...؟
إنتي أختي....؟
أختي اللي أقرب ليه مني
أختي صحيح ممكن أكون مبينتش ليكي إنك حته مني
لكن بتوحشيني قوي لما بتبعدي عني
أختي البريئه اللي بشوفها أجمل بنوته في الدنيا
بحبك يا أختي
و إنتي .....مين..؟
إنتي أخت صاحبي أو جارتي أو زميله محترمه معايا في الجامعه..؟
أخاف عليكي بعمري
أحمي شرفك بعمري
أصون عرضك بدمي
مجرحكيش بنظره وحشه و لا أحب انك تسمعي كلمه سافله
ده انتي عندي زي أختي
عشان النبي صلي الله عليه و سلم وصاني بيكي
عشان ديني أمرني إني
أغض بصري عنك لأني مرضاش لأختي ف إزاي أرضاها لأخت مسلم زيي
طيب و إنتي بقه....مين؟
إنت فتاه الإسلام غريبه عني...تمشي في الشارع قريباً مني
تاج الكرامه علي رأسك يعني
حجابك غطاكي يحميكي مني
لو أنا فاسد إنتي مصونه
حجابك طبعا هيقيدني
انت الكريمه ماشيه عفيفه
انت برده أختي
و اللي هناك ديه ....إنتي....أيوه إنتي.....إنتي مين..؟؟
إنتي مسلمه....في حجابك مهمله
سواء لابسه حجاب ضيق أو مش لابسه أصلاً
إنتي جزء من أمتي....يعني برده حته مني
إنتي غاليه قوي لأنك بحجابك تنصري دين ربنا و تردي كيد العدا
إنتي بس اللي مش واخده بالك لكن في يوم هتيجي لربنا و تحني
إنتي غاليه قوي عندنا بس آه لو عن المعاصي تتأني
و ترجعي لله و توبي و إطمأني
مكانك في قلوبنا و بينا محفوظ...إنتي كمان أختي
تعالي يا أختي
و الغاليه ديه ....عارفين مين...؟؟
أصل أنا عارفها .... و محدش منكوا أبدا بيشوفها
ديه زوجتي
ملكه بيتي
جزء منها أنا و هي جزء مني
فراشه جميله بين زهور عمري بتغني
حمامه رقيقه علي جناحها بتحملني
لأحلام بعيده بتقربها مني
زوجتي.....حبيبتي.....فتاتي الجميله
بها أعرف نفسي أعرف قربي من ربي
إن رضت فقد أرضاها الله عني
و إن حدث و إختلفنا فبعصياني سخطت مني
كذلك كان السلف يعلم رضا الله عنه في خلق زوجته معه
إذن هل علمتي الآن من أنتي
هل فهمتي أنك كل دنيانا
هل عرفتي قدرك يا فتاه الإسلامَ
أمي و أختي و زوجتي و من أحمل همها بالتمني..أن ترجع لله الكريم و تحمل هم أمتي و همي
أياً من كنتي من هذه الصنوف التي ذكرتها
أحبك في الله حبا صادقا
فتاه الإسلام أنت الفتاه
و غيرك من الفتيات قد ضل و تاه
فتاه الإسلام بدينك عزي و إفخري
و لا تفعلي مثلهن و تمشين تتبختري
فتاه الإسلام أنت للدين أمنٌ
إن إلتزمتي حجابك فأنتي لنا و بك يكون لنا عزٌ
و إن لم تلتزمي فإنت أخت و لكنك تمسكين المعول تهدمين دينك و ديننا
في النهايه سلم من الله عليك و رحمه و بركاتٌ منه سبحانه و تعالي

Saturday, January 13

السلام عليكم و رحمه الله و بركاته

تماما مثل ما تنبأنا و قلنا من قبل عندما حللنا هنا عبر صفحات مجموعتنا مجموعه أهل الجنه التصريحات الفارغه لغفير الثقافه حول الحجاب و قلت بالنص أنها ما هي إلا حلقه من حلقات المسلسل العالماني الغربي و أكدت أن علينا إنتظار الحلقات التاليه...!
و لكن أي حلقه تاليه البطل الأول لم يكن نجم شباك عند الجماهير فأعرض الكل عن الفرجه عليه و لم يصفق له أحد فكان واجبا علي المنتج الإستعانه بنجم شباك صحيح إنه نجم شباك في أدوار الشر لكن و ماله المهم المنتج يلم حاجه من الهيصه اللي حصلت و يلحق يفركش الناس اللي إتلموا ضد الغفير

إذن نجم الحلقه التاليه كان نجم من العيار التقيل نجم في وزن الفيل (مع الإعتذار للعزيز الفيل)...إنه الريس يا جماعه

قالها بعلو حسه و مخفش المفتري...عايزينها تبقي قارعه...لا دين و لا يحزنون عايزين بلد عالماني

هو ده اللي قدرك عليه ربنا يا قادر يا مفتري روح يا شيخ الله يسامحك


مبارك الذي هو ليس أبدا بمبارك أكد علي أن تنظيم الإخوان خطر علي مصر و أنا بصراحه مش عارف الناس ديه بتشتغلنا و لا إيه...طيب يا عم الفالح ما انت عارف بيت المرشد العام و مجلس الإؤشاد لا ده انت عارف مقاس لامؤاخه جزمهم واحد واحد متلمهم في أوضه الفئران و تريحنا

لكن لازم يكون في ورقه يضغط بيها علي أمريكا يقلهم شوفوا لو قمت من علي الكرسي ولاد ال....هيخدوا الحكم

أعتقد أن حديث مبارك هذا لم يضف جديدا علي خلفيه أننا كنا قد توقعناه من قبل
و لكن الجديد هو ما يجب أن تفعله أنت

أيها المصري
أيها المسلم
إحذر

بات الهدف واضحا و هو طمس هويتك و مسح دينك فلا تقف مكتوف اليدين
أقبل علي ربك و تعلم أصول دينك
علم أولادك القرآن و سنه النبي صلي الله عليه و سلم

إحكي لهم قصص الصحابه و السلف الصالح

بلاش هيركليز و إحكيلهم بطولات خاد بن الوليد
و جرأه سيدنا عمر بن الخطاب
و قوه سيدنا علي رضي الله عنهم أجمعين

ليه زينا و إحنا عندنا أمهات المؤمنين رضي الله عنهم و جمعنا بهم في الجنه

لا أشبه أولئك بهؤلاء و لكني أُذَكر فقط

لازم نمسك في ديننا بإدينا و سناننا مفيش حل تاني

أما بقه بالنسبه لما تكلم عنه البعض حول ورقه الإصلاح التي أخلاجها الإخوان المسلمون منذ سنتين فوالله أني لا أجد فيها إلا كلاما مطاطاً كالعاده كلام لا يودي و لا يجيب


يا إخواننا في مسلم عاقل يقول إن الأمه هي مصدر السلطات

كتاب الله هو الدستور الوحيد للمسلم أيها الإخوان المسلمين و أنتم بالفعل لي إخوان و لكنه التناصح

و قال إيه الشعب هو اللي يقرر مين اللي يه السلطه لا يا حضرات الإخوان السلطه في هذا البلد للإسلام فمصر بلد إسلامي و اللي يزعل من الكلام ده عندنا السد العالي يخبط دماغه فيه


و النصاري ميزعلوش مني بس ده الواقع هم يعيشون في بلد مسلم و ليس مطلوبا منهم أن يحشروا أنوفهم في ما ليس لهم فيه إن كان البلد مش عاجبهم و الله مصر بتتمتع بمخارج بريه و بحريه و جويه يشوفوا عايزين يطلعوا إزاي و أنا بنفسي هودعهم و هكسر كام قله كمان
..!!

مصر بلد مسلم و هتفضل بلد مسلم إن شاء الله

الإخوان المسلمين علي طول كده يتكلموا كلام محير لا كبير و لا صغير كلام كل واحد يفهمه علي كيفه بمعني أدق العالماني يحبه و النصراني يعجبه و المسلم برده ميقلش لأ

عايزين مواقف واضحه و كلام مفيهوش أصل و فصل عشان خاطري يا إخواني

بقيت نقطه واحده في المقارنه بين الرئيس الراحل صدام حسين و الرئيس الراحل لا محاله حسني مبارك

أحدهم أنهي حياته مساندا للتيار السني في بلده داعما للصحوه الإيمانيه في العراق مما أدي إلي سرعه تحرك قوي الشر ضده و مات محمولا علي أعناق كل المسلمين

و الآخر ينهي حياته محاربا للسنه مؤيدا للعالمانيه مرحبا بقوي الشر لتبقي له علي الكرسي الذي يريده له و لأبنه من بعده

لا نعلم آخرتهم و لكن....!!! هل يعلم هذا الذي يبيع دينه من أجل كرسي سيبقي فيه سنون معدوده أن ذلك ربما يكون مقدم حجز كرسي آخر و لكن في الجحيم....!!!

نسأل الله الهدايه لحكام المسلمين


نتمني من الله صاحب كل فضل و منه
أن نكون جميعا من
أهل الجنه
إنضم لمجموعتنا المتميزه
www.groups.yahoo.com/group/AhL_Aljanna/join